भगिमानसिंह स्मृति फुटबल : उपाधिका लागि इलाम र उदयपुर खेल्दै

पुष ७, २०७५ शनिबार ८:५२:२० | उज्यालो सहकर्मी

तेह्रथुम – भगिमानसिंह स्मृति आमन्त्रण फुटबल प्रतियोगिताको उपाधिकालागि माइभ्याली फुटबल क्लब इलाम र उदयपुरबीच शनिबार प्रतिस्पर्धा हुँदैछ । शुक्रबार भएका सेमिफाइनल खेलमा उदयपुरले पाँचथरलाई र इलामले झापालाई पराजित गर्दै उपाधि नजिक पुगेका हुन् ।

उपाधिका लागि शनिबा बिहान ११ बजे इलाम र उदयपुरबीच खेल हुने आयोजक भगिमानसिंह स्मृति प्रतिष्ठानका प्रचार प्रसार संयोजक जुली सुब्बाले जानकारी दिनुभयो ।

सेमिफाइनलको पहिलो खेलमा उदयपुरले र पाँचथरलाई ट्राइवेकरमा ४–२ गोल अन्तरले पराजित गरेको थियो । खेलमा उच्च प्रतिस्पर्धा भए पनि पाँचथरले राम्रा अवसरहरुमासमेत गोल गर्न नसक्दा प्रतियोगिताबाट बाहिरियो । खेलको पहिलो हाफमा उदयपुरका हेम राईले पेनाल्टीमार्फत गोल गर्दै टिमलाई अग्रता दिलाए ।

दोस्रो हाफमा पाँचथरकालागि गजिन राईले एक गोल फर्काएका थिए । निर्धारित समयमा १–१ को बराबरी खेलेपछि खेल ट्राइवेकरमा धकेलिएको थियो । जितसँगै उदयपुर उपाधि नजिक पुगेको हो ।

सेमिफाइनलको अर्को खेलमा माइभ्याली फुटबल क्लब इलामले जलथल फुटबल क्लब झापालाई २–० ले पराजित गरेको थियो । इलामका लागि मनिष राई र पासाङ शेर्पाले १–१ गोल गरे । जितसँगै इलामले उदयपुरसँगको भेट पक्का गरेको हो ।

प्रतियोगितामा प्रदेश नंं. का १० जिल्लाका एक एक टिम सहभागी थिए । विजेताले नगद २ लाख ५ हजार र उपविजेताले नगद १ लाख १५ हजार रुपैयाँसहित ट्रफी, मेडल र प्रमाण पत्र प्राप्त गर्नेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्