बलिउडका ‘झक्कास’ अभिनेता अनिल कपूरकाे आज जन्मदिन, ६२ वर्ष लागे

पुष ९, २०७५ सोमबार २०:४४:२६ | उज्यालो सहकर्मी

बलिउड अभिनेता अनिल कपूर आज ६२औं जन्मदिन मनाइरहेका छन् ।

अनिल कपूरको जन्म सन् १९५६ डिसेम्बर २४ मा भएको थियो । उनी मुम्बईको चेम्बुरमा भारतीय फिल्म निर्माता सुरिन्दर कपूर र आमा निर्मला कपूरका छोराको रुपमा आजैका दिन जन्मिएका थिए ।

अनिल कपूरले उनको ५० वर्षको फिल्मी करियरमा बलिउडलाई कैयौं हिट फिल्महरु दिएका छन ।

उनले १२ वर्षको उमेरबाट फिल्मी करियर सुरु गरेका थिए । अनिल कपूरको पहिलो फिल्म ‘तु पायल मे गीत’ हो । यस फिल्ममा उनले अभिनेता शशि कुमारको बाल्यकालको भूमिका निर्वाह गरेका थिए । तर यो फिल्म थिएटरमा रिलिज भएन ।

यसपछि उनले सन् १०७९मा फिल्म ‘हमारे तुम्हारे’मा एउटा सानो भूमिका निर्वाह गर्दै बलिउड करियरको सुरुवात गरेका थिए । यसपछि भने उनले बलिउडमा एकपछि अर्को गर्दै कैयौं फिल्ममा काम गरे ।

बलिउडमात्रै नभई हलिउड फिल्ममा समेत काम गरिसकेका अनिल कपूर भारतीय राष्ट्रिय पुरस्कार, ओस्कर अवार्ड र विभिन्न विभाका ६ वटा फिल्मफेयर अवार्डबाट सम्मानित भइसकेका छन् ।

उनले फिल्म ‘स्लम डग मिलिनियर’ बाट ओस्कार अवार्ड जितेका हुन भने फिल्म ‘नो एन्ट्री’ बाट राष्ट्रिय पुरस्कार जितेका हुन । अनिल कपूरलाई बलिउडमा बहुमुखी प्रतिभाशाली अभिनेताको रुपमा चिनिन्छ । उनले उनको फिल्मी करियरमा फरक फरक विधाका फिल्ममा काम गर्नुका साथै फरक फरक भूमिकामा अभिनय गरेका छन् ।

अनिल कपूर फिल्मका साथसाथै स्वास्थ्यमा पनि निकै ध्यान दिन्छन् । ६२ वर्षको उमेरमा पनि अनिल कपूर निकै फिट र स्टाइलिश अभिनेताको रुपमा चिनिन्छन् ।

अनिल कपूर अभिनित उत्कृष्ट फिल्महरुमा ‘मेरी जंग, करमा, मिस्टर इण्डिया, विरासत, १९४२ः अ लभ स्टोरी, बेटा, नायक, राम लखन, ताल, नो एन्ट्री, स्लम डग मिलिनियर, रेस, दिल धडकने दो’ लगायतका फिल्म पर्दछन् ।

यसै वर्ष अनिल कपूर अभिनित फिल्म ‘रेस ३’ र ‘फन्ने खान’ प्रदर्शन भएका थिए भने उनको आगामी फिल्म ‘टोटल धमाल’, र ‘एक लड्की को देखा तो ऐसा लगा’ मार्फत दर्शक माझ आउने तयारीमा छन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्