चीनसँग व्यापारिक कारोबार बढाउने मैलुङ–स्याफ्रुबेँसी सडकको स्तरोन्नती माघदेखि

पुष १०, २०७५ मंगलबार ७:५९:३६ | उज्यालो सहकर्मी

रसुवा – चीनसँग व्यापारीक कारोबार बढाउनका लागि निर्माण गरिएको मैलुङ–स्याफ्रुबेँसी सडकको स्तरोन्नती माघदेखि सुरु गरिने भएको छ ।

विस्तृत परियोजना प्रतिवेदन (डीपीआर) संशोधन गर्नु परेकाले स्तरोन्नतीको काम ढिलाइ भएको हो । नेपाली सेनाले निर्माण गरेको १७ किलोमिटर सडक गएको जेठमा गल्छी–त्रिशुली–मैलुङ–स्याफ्रुबेँसी–रसुवागढी सडक योजनालाई हस्तान्तरण गरिएको थियो ।

गएको असारमा निर्माण गरिएको डिपिआर पहिरोले सडकमा थप क्षति गरेपछि संशोधन गरिएको हो । संशोधन गर्न बढी समय लागेको कारण ट्रयाक खोलिएको सात महिनासम्म स्तरोन्नतीको काम सुरु हुन नसकेको हो ।

डीपीआर संशोधनको काम सकिएको र टेन्डर प्रक्रिया सुरु गरिएको योजना प्रमुख सुवोध कुमार देवकोटाले बताउनुभयो । स्तरोन्नतीको काम सक्न करिब २ वर्ष लाग्ने उहाँको भनाइ छ । स्तरोन्नतीको काम नसकिँदासम्म सार्वजनिक यातायातको साधन सञ्चालन गर्न नदिने योजनाले जनाएको छ ।

यो सडक बेत्रावती कालिकास्थान धुन्चेहुँदै स्याफ्रु जोड्ने सडक भन्दा २५ किलोमिटर छोटो छ । बेत्रावती कालिकास्थान धुन्चे हुँदै स्याफ्रु पुग्न ५४ किलोमिटर रहेको छ । बेत्रावती मैलुङ स्याफ्रुबेसीको दूरी २९ किलोमिटर मात्रै छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्