कर्णाली प्रदेशले ज्येष्ठ नागरिकलाई निःशुल्क स्वास्थ्य सेवा दिने

असार १, २०७५ शुक्रबार १९:२५:१९ | उज्यालो सहकर्मी

सुर्खेत – कर्णाली प्रदेश सरकारले ७० वर्ष पुगेका जेष्ठ नागरिकहरूलाई निःशुल्क स्वास्थ्य सेवा दिने भएको छ ।

आज सार्वजनिक गरेको आगामी आर्थिक वर्ष २०७५/७६ मा कर्णाली प्रदेश सरकारले ७० वर्षमाथिका ज्येष्ठ नागरिकलाई निःशुल्क स्वास्थ्य सेवा दिने उल्लेख गरेको छ ।

सरकारले ‘मनमोहन ज्येष्ठ नागरिक’ कार्यक्रम सञ्चालन गर्नेछ । यस्तै ज्येष्ठ नागरिकका लागि देश दर्शन कार्यक्रम सञ्चालन गरिने, आवश्यक स्थानमा वृद्धाश्रम लगायतका कार्यक्रम सञ्चालन गरिने र त्यसका लागि एक करोड ५० लाख बजेट छुट्टाएको छ ।

सडक यातायातको पहुँचबाट टाढा रहेका डोल्पा र हुम्ला जिल्लाका ७० वर्षमाथिका ज्येष्ठ नागरिक र अपंगता भएका व्यक्तिहरुलाई हवाई यातायात सहयोग पुर्‍याउन तोकिएको भाडादरमा एक हजार अनुदान दिने पनि आर्थिक मामिला तथा योेजनामन्त्री प्रकाश ज्वालाले प्रस्तुत गरेको बजेटमा उल्लेख गरिएको छ ।

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्