बायाेपिकका लागि पाइलट बनेकी जान्हवी कपूरको तस्बिर सामाजिक सञ्जालमा भाइरल

पुष १२, २०७५ बिहीबार १५:८:३ | उज्यालो सहकर्मी

बलिउड अभिनेत्री जान्हवी कपूरले यसै वर्ष फिल्म ‘धडक’बाट बलिउड डेब्यू गरेकी हुन् । पहिलो फिल्मबाटै दर्शकको मन जित्न सफल जान्हवीले दोस्रो फिल्म ‘तख्त’ समेत साइन गरिसकेकी छिन् । यससँगै जान्हवीले तेस्रो फिल्म समेत पाइसकेकी छिन् ।

भारतकी पहिलो महिला हेलिकप्टर पाइलट गुञ्जन सक्सेनाको जीवनमा आधारित बायोपिकमा अभिनेत्री जान्हवी कपूरले गुञ्जन सक्सेनाको भूमिका निर्वाह गर्नेछिन् । त्यसैले यस फिल्ममा अभिनेत्री जान्हवी कपूर पाइलटको लुकमा देखिएकी छिन् । अहिले सामाजिक सञ्जालमा उनको यस फिल्मको सेटमा लिइएको तस्बिर भाइरल भइरहेको छ ।

खबरहरुका अनुसार यस फिल्मको छायाँकनको काम सन् २०१९ बाट सुरु हुने बताइएका थियो । तर तस्बिर सार्वजनिक भएसँगै यस फिल्मको छायाँकन सुरु भइसकेको बताइएको छ ।

गुञ्जन सक्सेना पहिलो लडाकु महिला पाइलट हुन् । सन् १९९९ को कार्गिल लडाईंमा उनले आफ्नो ज्यानको पर्वाह नगरी आफ्ना साथीहरुको ज्यान बचाएकी थिइन् ।

उनको बहादुरीको सम्मानस्वरुप भारत सरकारले उनलाई सूर्यवीर पुरस्कारले सम्मानित गरेको थियो । गुञ्जन सक्सेनाको बायोपिक धर्मा प्रोडक्शनले निर्माण गरिरहेको छ ।

अभिषेक कपूरको निर्देशन तथा करण जोहरको निर्माण बनेको फिल्म ‘धडक’ मार्फत डेब्यू गरेकी जान्हवी कपूर करण जोहरकै निर्माण बन्न लागेको फिल्म ‘तख्त’ मा अभिनेता विक्की कौशलको जोडीको रुपमा देखिनेछिन् भने करण जोहरकै निर्माणमा बन्ने उनको तेस्रो फिल्म गुञ्जन सक्सेनाको बायोपिकमा उनी भारतकी पहिलो महिला पाइलटको भूमिकामा देखिनेछिन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्