बहुपति प्रथाको कथामा बनेको चलचित्र ‘टुल्की’ मा बेनिशा हमाल

पुष १३, २०७५ शुक्रबार १६:४५:४२ | उज्यालो सहकर्मी

काठमाडौं – अभिनेत्री बेनिशा हमाल नेपाली चलचित्र क्षेत्रमा त्यति जम्न सकेकी छैनन् ।

उनले निर्देशक प्रसन्न पौडेलले निर्देशन गरेको चलचित्र ‘स्वर’बाट चलचित्र क्षेत्रमा डेब्यू गरेकी हुन् । त्यसपश्चात उनले नेपाली चलचित्र ‘मोक्ष’, ‘ज्यान हाजिर छ’, ‘म अनि तिमी’, ‘ब्लाइन्ड रक्स’ लगायतका चलचित्रहरुमा काम गरेकी थिइन् ।

तर उनी अभिनित चलचित्रहरुलाई दर्शकले अपेक्षाकृत रुचाउन सकेका छैनन् । उनले विभिन्न म्युजिक भिडियोहरुमा समेत काम गरिसकेकी छिन् ।

उनी पुनः एक पटक नयाँ चलचित्रमा काम गर्न लागेकी छिन् । उनले काम गर्न लागेको नयाँ चलचित्रको नाम ‘टुल्की’राखिएको छ । लक्ष्मण सुनारले निर्देशन गर्न लागेको चलचित्र ‘टुल्की’ नारीप्रधान चलचित्र हो ।

चलचित्रका लागि बेनिशा हमाल फाइनल भइसके पनि अन्य कलाकारहरुको भने टुंगो लाग्न बाँकी छ । अन्य कलाकारको खोजी भइरहेको बताइएको छ । बेनिशा हमालले यो चलचित्रका लागि वर्कआउट पनि सुरु गरिसकेको बताइएको छ ।

चलचित्र ‘टुल्की’ मा बहुपति प्रथाको कथा प्रस्तुत गर्ने प्रयास गरिएको छ । चलचित्रको कथामा ‘टुल्की’का ५ वटा श्रीमान हुनेछन् । चलचित्रको कथा बेनिशाकै वरिपरि घुम्ने छ । चलचित्रको छायांकन माघको १५ गतेबाट सुरु गर्ने निर्देशक सुनारले बताए ।

– उज्यालाे र गफगाफ डटकमकाे सहकार्य

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्