बाहुबलीका निर्देशक राजामौली आफ्नाे छोराको बिहेमा प्रभास र अनुष्कासँग यसरी नाचे

पुष १४, २०७५ शनिबार १८:१:० | उज्यालो सहकर्मी

चर्चित भारतीय चलचित्र बाहुबलीका निर्देशक एस. एस. राजामौलीका छोराको बिहेमा बलिउड तथा दक्षिण भारतीय दिग्गज कलाकारहरु जयपुर पुगेका छन् ।

राजामौलीका छोरा कार्तिकेयको विवाह पूजा नामकी युवतीसँग भोलि अर्थात डिसेम्बर ३० का दिन कूकस भन्ने ठाउँमा रहेको सेभेन स्टार होटेलमा हुने कार्र्यक्रम छ । उनीहरुको इन्गेजमेन्ट यसै वर्षको सेप्टेम्बरमा भएको थियो ।

यो विवाहलाई अझै भव्य बनाउनका लागि राजामौलीले विशेष तयारी गरेका छन् । यो भव्य विवाहका लागि कलाकारहरु शुक्रबारबाटै जयपुर पुग्न थालिसकेका छन् । स्टार कलाकारहरुको एअरपोर्टदेखि विवाह अघिका कार्यक्रमका तस्बिर तथा भिडियोहरु सामाजिक सञ्जालमा भाइरल हुन थालिसकेका छन् ।

View this post on Instagram

A post shared by Telugu Cinema (@allabouttollywood) on Dec 28, 2018 at 4:38am PST

राजामालीका छोरा कार्तिकेयको विवाहमा स्वदेशी रीतिरिवाज अनुसार संगीत, मेहन्दीजस्ता कार्यक्रमहरु पूरै नियमअनुसार आयोजना गर्ने प्रबन्ध मिलाइएको छ । विवाहका लागि राजामौलीका परिवार परिवार जयपुरमा पहिले नै पुगिसकेका थिए भने सामाजिक सञ्जालमा अहिले दुलाहा कार्तिकेय र दुलही पूजाका तस्बिरहरु निकै भाइरल भइरहेका छन् ।

एअरपोर्टमा पूजाले हल्का गुलाबी र सेतो रंगको साधारण सुटमा तथा कार्तिकेयले पहेंलो रंगको कुताए लगाएको तस्बिरहरु सार्वजनिक भएका थिए । यसबाहेक बाहुबलीको सम्पूर्ण टिम नै जयपुर पुगिसकेको छ ।

बाहुबलीका कलाकारलगायत दक्षिण भारतीयका साथै बलिउड कलाकारहरु प्रभास, राण दग्गुबाती, अनुष्का शेट्टी, जुनियर एनटिआर, नागार्जुन, राम चरण, जगपति बाबूलगायत सुस्मिता सेन पनि विवाह समारोहका लागि जयपुर पुगिसकेका छन् । सामाजिक सञ्जालमा बाहुबली टिमसँग राजामौलीले गरेको डान्स अहिले भाइरल भइरहेको छ ।

View this post on Instagram

A post shared by Vega Entertainment (@vegaentertainment) on Dec 28, 2018 at 8:38pm PST

यी भिडियोहरुमा राजामौलीसहित प्रभास, राण दग्गुबाती र अनुष्का शेट्टी मिलेर डान्स गरिरहेका देखिन्छन् ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्