नेपालगञ्जमा छात्रा कलेज स्थापनाको तयारी

पुष २०, २०७५ शुक्रबार १८:२३:३१ | गोविन्द शर्मा

बाँके – मधेशी तथा मुस्लिम किशोरीलाई उच्च शिक्षा दिने लक्ष्यसहित नेपालगञ्जमा छात्रा स्कुल तथा कलेज सञ्चालनको तयारी गरिएको छ ।

अहिलेको मङ्गलप्रसाद माविलाई छात्रा कलेज स्थापनाका लागि ८ करोड रुपैयाँ बजेट छुट्टाइएको नेपालगञ्ज उप–महानगरपालिकाका मेयर डाक्टर धवलशमशेर राणाले जानकारी दिनुभयो ।

यसैगरी वडा नम्बर ४ मा छात्रा स्कुल सञ्चालन गर्न लागिएको मेयर डा. राणाले जानकारी दिनुभयो । नेपालगञ्जमा छात्राहरु मात्रै अध्ययनका लागि अहिले सरस्वती मावि सञ्चालन रहेको छ ।

छात्रा कलेजमा मुस्लिम र मधेसी समुदायका छात्राहरु मात्रै नभई अन्य समुदायका छात्राहरु समेत अध्ययन गर्नेछन् । महिलाहरु मात्रै अध्ययन गर्ने कलेज नहुँदा मुस्लिम बालिकाहरुले बीचमै पढाई छोड्ने गरेका छन् ।

छात्रा स्कुल आउँदो वैशाखदेखि सञ्चालनको तयारीमा रहेको छ । कलेज सञ्चालनका लागि महेन्द्र माविसँग जग्गा माग गरिएको छ । छात्रा कलेज अत्याधुनिक खालको हुने छ ।

मधेसी र मुस्लिम समुदायका बालबालिकाहरु सबैलाई उच्च शिक्षाको लागि सहज गर्न छुट्टै छात्रा कलेज सञ्चालन गर्न लागिएको नेपालगञ्ज उपमहानगरपालिकाका प्रवक्ता प्रमोद रिजालले जानकारी दिनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्