सरकारी चिकित्सकहरुले घेरे स्वास्थ्य मन्त्रालय

पुष २२, २०७५ आइतबार १४:९:४९ | उज्यालो सहकर्मी

काठमाडौं – ‘कर्मचारी समायोजन अध्यादेश’ तत्काल सच्याउन दवाव दिँदै आन्दोलन सुरु गरेका सरकारी चिकित्सकहरुले आइतबार स्वास्थ्य तथा जनसंख्या मन्त्रालय घेराउ गरेका छन ।

आफूहरुको सेवा, सुविधा र बढुवासम्बन्धी प्रावधान कटौती हुनेगरी कर्मचारी समायोजन अध्यादेश आएको भन्दै आन्दोलरत सरकारी चिकित्सक संघ, नेपाल (गोदान)मा आवद्ध देशभरका चिकित्सकहरुले तत्काल सच्याउन माग गर्दै आइतबार स्वास्थ्य तथा जनसंख्या मन्त्रालय २ घण्टा घेराउ गरेका हुन ।

अध्यादेशले आफूहरुको सेवा, सुविधासमेत कटौती गरेपछि त्यसलाई सच्याउन माग गर्दै मन्त्रालयमा घेराउलगायतका विरोधका कार्यक्रम गर्नु परेको गोदानका केन्द्रीय सदस्य डा. राजेशकुमार मण्डलले जानकारी दिनुभयो ।

सरकारी चिकित्सकहरुले समायोजन प्रक्रिया स्वेच्छिक बनाउन पनि सरकारसँग माग गरेका छन । आफूहरुको माग सम्बोधन नभए अस्पतालको आकस्मिक बाहेकका सबै सेवा बन्द गरेर आन्दोलन गर्न बाध्य हुने पनि चिकित्सक मण्डलले बताउनुभयो ।

सरकारले राज्यको कुनै पनि नीतिगत निर्णय प्रक्रियामा चिकित्सकहरुलाई सहभागी नगराउने गरी कर्मचारी समायोजन अध्यादेश आएको भन्दै मान्य नहुने सरकारी चिकित्सकहरुको अडान छ ।

उनीहरुले अध्यादेश आफूहरुको माग बमोजिम नसच्चिए समायोजन प्रक्रियामा सामेल नहुने घोषणा पनि गरिसकेका छन ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सरकारी चिकित्सकहरुले घेरे स्वास्थ्य मन्त्रालय

फाइल तस्बिर

तपाईको प्रतिक्रिया