पानीजहाजको कुरा गर्दा कागजका डुङ्गा फ्याँकियो, छिट्टै रेल पनि आउँछ, जहाज पनि चल्छ : प्रधानमन्त्री ओली

पुष २२, २०७५ आइतबार १४:४३:२६ | उज्यालो सहकर्मी

काठमाडौं – प्रधानमन्त्री केपी शर्मा ओलीले नेपालीको आफ्नै रेल चढ्ने सपना पूरा गर्न आफू केही वर्षदेखि आफू लागिपरेको बताउनुभयो ।

आइतबार संसदमा सम्बोधन गर्दै प्रधानमन्त्री केपी शर्मा ओलीले भन्नुभयो, ‘नेपालीको रेल सपनालाई पूरा गर्न बितेका केही वर्षदेखि मैले आफ्नाे पहल र प्रयत्नलाई शिथिल हुन दिएको छैन । हाम्रो मुलुकको विकासको लागि रेल–वे र वाटर–वे, गेम चेञ्जर हुने तथ्यलाई अफवाहको तुँवालोभित्र पुरिदिने प्रयासलाई मैले अभिरुचिका साथ नियाली रहेको छु ।’

आफूले पानीजहाजको कुरा गर्दा कागजका डुङ्गा फ्याँकिएको र रेलको चर्चा गर्दा रित्ता बाल्टिन लाइनमा राखेर कुरा काटिएको पनि बताउनुभयो । उहाँले भन्नुभयो, ‘मैले स्मरण गरिरहेको छु, कुनै समय पानीजहाजको कुरा गर्दा कागजका डुङ्गा प्mयाँकियो । रेलको चर्चा गर्दा रित्ता बाल्टिन् लाइनमा राखी कुरा काटियो । अहिले पनि सुनेको छु– जहाजको टिकट काटौँ भनेको, काउण्टर खै ? हिजो नपत्याउनेहरु समेत आज, अब त हुन्छ क्यारे भन्ने तहमा पुगेमा म खुशी व्यक्त गर्दछु ।’

प्रधानमन्त्री ओलीले रेल पनि आउने पानीजहाज पनि आउने तर त्यसका लागि धैर्य गर्नुपर्ने भन्दै भन्नुभयो, ‘ धैर्य रहौँ– रेल पनि आउँछ, जहाज पनि चल्छ । स्टेशन, टिकट काउण्टर सबै खुल्छ, ढुक्क रहे हुन्छ ।’

त्यस्तै प्रधानमन्त्री ओलीले केरुङ–काठमाडौं रेलमार्ग चिनियाँ सहयोगमा पूर्व सम्भाव्यता अध्ययन सम्पन्न भएको र यसको विस्तृत परियोजना प्रतिवेदन तयारीका लागि सम्झौता चाँडै नै हुने पनि बताउनुभयो । काठमाडौं–पोखरा–लुम्बिनी रेलमार्ग चिनियाँ सहयोगमा पूर्व सम्भाव्यता अध्ययन गर्न समझदारी पत्रमा हस्ताक्षर हुन लागेको कुरा पनि प्रधानमन्त्री ओलीले संसदलाई जानकारी दिनुभयो ।

त्यस्तै भारतीय सहयोगमा रक्सौल–काठमाडौं रेलमार्ग विस्तृत परियोजना तयार गर्न समझदारी पत्रमा हस्ताक्षर भइसकेको बताउँदै कुर्थादेखि जयनगरसम्म निर्माण गरिएको रेल–वे लाइनमा नेपालको आफ्नै रेल सञ्चालन गर्न २ वटा रेल खरिद कार्य अगाडि बढाइएको प्रधानमन्त्री ओलीले बताउनुभयो ।

नेपालमा पानीजहाज कार्यालय स्थापना र पानीजहाज रजिष्ट्रार नियुक्त गर्ने प्रक्रिया सुरु गरिएको प्रधानमन्त्री ओलीले बताउनुभयो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्