ए डिभिजन लिग: शेर्पालाई दुई-शून्यले हराउँदै थ्रीस्टार क्लब लिगकाे तेस्राे स्थानमा

पुष २२, २०७५ आइतबार १७:५:५७ | उज्यालो सहकर्मी

काठमाडाैं - शहीद स्मारक ए डिभिजन लिग फुटबलमा थ्रीस्टार क्लबले तेस्रो स्थानमा रहेर लिग टुंग्याएको छ ।

आइतबार भएको आफ्नो अन्तिम खेलमा थ्रीस्टारले हिमालयन शेर्पामाथि २–० को जित निकाल्दै २६ अंकसहित तालिकाको तेस्रो स्थानमा रहन सफल भएकाे हो । शेर्पामाथि सुरुदेखि नै दबाब कायम गरेको थ्रीस्टारले पहिलो र दोस्रो हाफमा एक एक गोल गरेको थियो ।

थ्रीस्टारका लागि २८औं मिनेटमा बुद्धराज लिम्बुले गोल गर्दै सुरुआती अग्रता दिलाएका थिए । पहिलो हाफमा १ गोल गरेको थ्रीस्टारले दोस्रो हाफमा १ गोल गरेको थियो ।

८९औं मिनेटमा रन्जन विष्टले गोल गर्दै थ्रीस्टारलाई २–०को जित दिलाउन सफल भए । यस्तै एपीएफ मैदानमा आइतबारै भएको अर्को खेलमा त्रिभुवन आर्मीले मछिन्द्र क्लबविरुद्ध ३–०को जित निकाल्दै तालिकाको चौथो स्थानमा रहन सफल भयो ।

आर्मीको जितमा भरत खवासले २ गोल गर्दा टंकबहादुर बस्नेतले १ गोल गरेका थिए । आर्मीले पहिलो हाफमा १ गोल गरेको थियो भने दोस्रो हाफमा २ गोल थपेको थियो ।

आर्मीका लागि २८औं मिनेटमा टंकबहादुर बस्नेत गोल गर्दै अग्रता दिलाएका थिए । ६२औं मिनेटमा आर्मीका कप्तान भरत खवासले टिमका लागि दोस्रो गोल गरे । २–०ले अगाडि रहेको आर्मीले तेस्रो गोल ७४औं मिनेटमा गरेको थियो । तेस्रो गोल कप्तान खवासकै नाममा रह्यो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्