सोसियडाडसँग हार्‍याे रियल मड्रिड

पुष २३, २०७५ सोमबार ८:२६:५ | उज्यालो सहकर्मी

स्पेनिस लिगा लिगमा रियल मड्रिड पराजित भएको छ । सान्टियागो बर्नाबाउमा भएको खेलमा रियल मड्रिड रियल सोसियडाडसँग २–० ले स्तब्ध बन्यो ।

दोस्रो हाफमा दश खेलाडीमा सिमित बनेको रियलविरुद्ध सोसियडाडले १५ वर्षमा पहिलो पटक बर्नाबाउमा जित निकाल्यो । रियललाई हराउनका लागि सोसियडाडका विलियन जोसे र रुवेन पार्दोले एक–एक गोल गरेका थिए ।

तेस्रो मिनेटमा कासिमिरोले मिकेल मेरिनोलाई फल गरेका कारण सोसियडाडले पेनाल्टी पायो । जुन पेनाल्टीलाई विलियन जोसेले गोलमा परिणत गरे । लुकास भाज्क्वेज ६१औं मिनेटमा रातो कार्ड पाएर मैदानबाट बाहिरिएपछि रियल मड्रिड दश खेलाडीमा सिमित भयो ।

८३औं मिनेटमा विलियन जोसेको पासमा रुवेन पार्दोले हेडर गोल गर्दै सोसियडाडलाई २–० को अग्रता दिलाए । त्यसपछि रियल खेलमा फर्किन सकेन र अंक गुमाउन बाध्य भयो ।

प्रतिस्पर्धात्मक खेलमा रियलले अधिकांश समय बल आफ्नो नियन्त्रणमा राखेको थियो । उसले हानेको कुल २८ सटमध्ये आठवटा फ्रेममा परे पनि सोसियडाडका गोलकिपरले रोकेका थिए ।

दुईवटा राम्रो सट पोलमा लागेको थियो । पराजयपछि रियल मड्रिड पाँचौं स्थानमा झरेको छ । तालिकामा रियल मड्रिडको ३० अंक छ । रियल सोसियडाडभने २२ अंक जोड्दै १२औं स्थानमा उक्लिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्