प्राचीन तिलौराकोट दरबार क्षेत्रमा उत्खनन्

पुष २४, २०७५ मंगलबार ८:२६:१८ | उज्यालो सहकर्मी

कपिलवस्तु – गौतम बुद्धका पिता राजाशुद्धोधनको प्रशासनिक राजदबार क्षेत्र प्राचीन तिलौराकोटमा यस वर्षको उत्खनन् तथा अन्वेषण कार्य सुरु गरिएको छ । जापनिज फण्डस् इन ट्रष्ट फर युनेस्कोको आर्थिक सहयोगमा तिलौराकोट दरबार क्षेत्रमा यस वर्षको उत्खनन् गरिने सोमबार तिलौराकोटमा आयोजित एक कार्यक्रममा जानकारी गराइएको छ ।

यसैगरी तिलौराकोट दरबार क्षेत्रको पूर्वी गेट बाहिरको कन्थक स्तुपको उत्खनन् भने लुम्बिनीमा होटल सञ्चालन गर्दै आएका डा.कासाईको आर्थिक सहयोगमा सम्पन्न गरिने कार्यक्रम रहेको लुम्बिनी विकास कोषका उपाध्यक्ष भिक्षु मैत्रेयले बताउनुभयो ।

यस वर्ष तिलौराकोट दरबार क्षेत्रभित्र रहेको समयमाई मन्दिर किनार, मध्य संरचना परिसर, कन्थक स्तुप क्षेत्रको उत्खनन् गरिने पुरातत्व विभागका प्रमुख पुरातत्व अधिकृत रामबहादुर कुँवरले बताउनुभयो । अघिल्ला वर्षहरुमा गरिएको उत्तरी गेटको संरक्षणको काम पनि यस वर्ष गरिनेछ । प्रमुख पुरातत्व अधिकृत कुँवरले भन्नुभयो ‘तिलौराकोट दरबार क्षेत्रको वरपर अन्वेषण, नक्सांकन र भिजिटर सर्वेको काम पनि संचालन हुनेछ ।’

उत्खनन् र संरक्षणले मात्रै पर्यटन प्रवर्द्धन हुन सक्ने भन्दै यस क्षेत्रका सर्वसाधारणको आर्थिक क्रियाकलापलाई टेव ापुग्ने खालको योजनालाई पनि अघि बढाइने पुरातत्व विभागले जनाएको छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्