पाठ्यक्रममा वेदव्यास

पुष २४, २०७५ मंगलबार १२:१२:४२ | उज्यालो सहकर्मी

तनहुँ – महाभारतका रचयिता वेदव्यासको जन्मभूमि दमौली आसपासका उच्च माध्यमिक तहका विद्यालयमा वेदव्यासको बारेमा अध्यापन सुरु भएको छ ।

व्यास नगरपालिकाले व्यासको प्रचारप्रसार गर्ने उद्धेश्यले वेदव्याससम्बन्धी विषयबस्तुलाई पाठ्यक्रमको रुपमा विस्तार गरेको हो ।

व्यास नगरपालिका भित्रका प्लस टु तहका सबै विद्यालयमा यसै शैक्षिक सत्रबाट लागू हुने गरी महर्षि वेदव्यास विषय अध्ययन गराउन थालिएको व्यास नगरपालिकाका शिक्षा विभाग प्रमुख अम्बिका आचार्यले बताउनुभयो ।

यो शैक्षिक सत्रबाट कक्षा ११ मा लागू भएको पाठ्यक्रम आउँदो वर्ष कक्षा १२ का लागि समेत पाठ्यक्रम निर्माणको काम अघि बढिरहेको उनले जानकारी दिए । गत साउनमा बसेको व्यास नगर कार्यपालिकाको बैठकले नगरपालिका क्षेत्रका विद्यालयमा व्यासका बारेमा जानकारी दिने पाठ्यक्रम लागू गर्ने निर्णय गरेको थियो ।

व्यासका अध्येता काशिनाथ न्यौपानेले तयार पारेको पाठ्यपुस्तक आदिकवि भानुभक्त क्याम्पस दमौलीका प्राध्यापक डा. रामकुमार अधिकारीको संयोजकत्वमा निमित्त समितिले तयार पारेको हो । व्यास नगरपालिका भित्र प्लस टु तहको अध्ययन हुने १४ वटै विद्यालयमा पाठ्यपुस्तकको अध्यापन सुरु भएको छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्