मैलुङ–स्याफ्रु सडकको पहिरो हटाउन सुरु

पुष २६, २०७५ बिहीबार १८:५४:३८ | उज्यालो सहकर्मी

रसुवा – राष्ट्रिय प्राथमिकता प्राप्त मैलुङ–स्याफ्रु सडकमा झरेको पहिरो पन्छाउने कार्य सुरु भएको छ ।

तीन साताभित्रमा सवारी साधन सञ्चालन गर्न सकिने गरी बुधबारदेखि पहिरो पन्छाउन सुरु गरिएको हो । मैलुङ–स्याफ्रुबेँसी सडक खण्डको एक दर्जन स्थानमा पहिरो गएको छ । गएको जेठ ६ गते सडकको ट्रयाक खोल्ने कार्य सकिएको थियो ।

त्रिदेशीय व्यापारमा सहज बनाउनका लागि निर्माण गरिएको सडक हस्तान्तरण भएपछि स्तरोन्नति हुन सकेको थिएन् । सडकको विस्तृत परियोजना प्रतिवेदन (डीपीआर) असारमा सकाएर काम सुरु गर्ने योजनाका साथ प्रक्रिया अघि बढेको थियो ।

वर्षाको समयमा सडकमा पहिरोले थप क्षति गरेपछि निर्माण गरिएको डीपीआर संशोधन गर्न परेको कारण निर्माण कार्यपछि धकेलिएको गल्छी–त्रिशुली–मैलुङ–स्याफ्रुबेँसी–रसुवागढी सडक योजनाका प्रमुख सुवोधकुमार देवकोटाले बताउनुभयो ।

सडकको पहिरो हटाउने कार्य सुरु भएसँगै सडक चाँडै सञ्चालनमा आउने आसा बढेको पूर्वप्रतिनिधि सभाका सदस्य जनार्दन ढकालले बताउनुभयो । ‘सडकको ट्रयाक खोलेर लामो समयसम्म पूरा गर्न नसक्नु दुःखको कुरा हो’, उहाँले भन्नुभयो, ‘यो सडक सञ्चालनमा आएपछि व्यापारिक क्रियाकलाप बढ्छ ।’

‘हामीले बुधबारदेखि पहिरो हटाउने कार्य सुरु गरेका छौँ’, उहाँले भन्नुभयो, ‘माघको दोस्रो हप्तासम्ममा सडकमा सवारी सञ्चालन गर्न सकिन्छ । यो सडक बेत्रावती कालिकास्थान धुन्चे हुँदै स्याफ्रु जोड्ने सडक भन्दा २५ किलोमिटर छोटो छ ’।

बेत्रावती कालिकास्थान धुन्चे हुँदै स्याफ्रु पुग्न ५४ किलोमिटर रहेको छ । बेत्रावती मैलुङ स्याफ्रुबेसीको दूरी २९ किलोमिटर मात्रै छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्