अभिनेतृ सुहाना थापा चलचित्र क्षेत्रकै लागि जन्मिएकी हुन् : अनमाेल केसी

पुष २६, २०७५ बिहीबार २०:४३:२३ | उज्यालो सहकर्मी

काठमाडाैं - चलचित्र ए मेरो हजुर ३ को छायांकनका लागि अभिनेता अनमाेल केसी अमेरिका पुगेका छन् ।

केसीलाई अमेरिकामा अभिनेत्री सुहाना थापाले स्वागत गरेकी छिन् ।

उनलाई चलचित्र ए मेरो हजुर ३ की निर्देशक एवं नायिका झरना थापा, अभिनेत्री सुहाना थापा र निर्माता सुनिलकुमार थापाले उनलाई अमेरिकाको डीसी ड्यालस विमानस्थलमा स्वागत गरेका हुन् । चलचित्रकाे नेपालमा गर्नुपर्ने छायांकन भने सम्पन्न भएको छ ।

ए मेरो हजुर ३ पछि अनमोल केसीले निर्देशक मिलन चाम्सले निर्माण गर्ने भनिएको चलचित्र ब्याचलर बन्टिमा काम गर्ने चर्चा थियो ।

तर अन्तिम समयमा केसीले त्यो चलचित्र नगर्ने बताए । उनले चलचित्र नगर्नुको कारण भने खुलाएका छैनन् । चलचित्र नगर्ने प्रतिकृया दिएको केही समय नबित्दै उनी अमेरिकातिर लागेका छन् ।

चलचित्र ए मेरो हजुर ३ को बाँकी छायांकनका लागि भन्दै केसी २ साताका लागि अमेरिका पुगेका हुन् । चलचित्रमा समावेश गरिएको एउटा गीत र केही दृश्य अमेरिकामा खिच्ने तयारी भएको निर्देशक थापाले बताएकी छिन् ।

अनमोलले अमेरिका उड्नुअघि पत्रकारसँगको कुराकानीमा ए मेरो हजुर ३ की अभिनेत्री सुहाना थापाको प्रशंसासमेत गरेका थिए । उनले सुहाना चलचित्र क्षेत्रकै लागि जन्मिएको बताएका थिए । चलचित्र चैत्र २९ गतेबाट नेपालभर प्रदर्शनमा आउने पक्का भइसकेको छ ।

चलचित्रमा एउटा स्टार गायक र उनको फ्यानका बीचमा हुने प्रेमसम्बन्ध र त्यस बीचमा आइपर्ने उतार चढावहरुलाई कथाका रुपमा प्रस्तुत गरिएको छ ।

चलचित्र सुनिलकुमार थापाले निर्माण गरेका हुन् । सुनिलकुमार थापा सुहानाका बाबु हुन् । चलचित्रमा अनमोल र सुहानासँगै सलोन बस्नेत, अर्पण थापा, रबिन्द्र झालगायतका कलाकारहरुको पनि मुख्य अभिनय रहेको छ ।

– उज्यालो र गफगाफ डटकमको सहकार्य

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्