युएईमा दूतावासबाट एनआरएन कार्ड लिने २२ जना मात्रै

वैशाख २६, २०७५ बुधबार १५:४६:४० | उमाकान्त पाण्डे

उमाकान्त पाण्डे/उज्यालो ।

वैशाख २६ – नेपाली दूतावास युएईबाट एनआरएन कार्ड लिनेको संख्या २२ पुगेको छ । गएको वर्ष ६ जनाले मात्रै एनआरएन कार्ड लिएका थिए ।

आर्थिक वर्ष २०७३/७४ मा ११ र ७४/७५ मा ६ जनाले एनआरएन कार्ड लिएका छन् । चालु आर्थिक वर्षको अहिलेसम्म चार जनाले लिएको र एक जनाले पहिले नै कार्ड लिएर नविकरण गर्दै आएको द्वितीय सचिव कृष्ण अर्यालले जानकारी दिनुभयो । कार्ड लिने मध्ये चार जना महिला छन् ।

कार्ड लिएका धेरैले नविकरण नगरेको दूतावासले जनाएको छ । कार्ड २ वर्षमा नविकरण गर्नुपर्छ । सरकारले परराष्ट्र मन्त्रालयमा एनआरएन शाखा स्थापना गरेको छ । दुई सय ७० दिर्हाम तिरेर एनआरएन कार्ड लिन सकिन्छ ।

युएईमा दूतावासबाट एनआरएन कार्ड लिने २२ जना मात्रै दूतावासमा आएर निवेदन दिएपछि कार्ड तत्कालै पाउन सकिने र त्यो कार्डको प्रयोग गर्दा यहाँ व्यवसाय गर्न नेपालबाट पैसा ल्याउन देखि अन्य आर्थिक कारोबार गर्न पनि सजिलो हुन्छ । युएईमा धेरैजसो व्यावसायीले एनएआरएन कार्ड लिएका छन् ।

दूतावासबाट पाउने कार्डले सरकारी मान्यता पाउने र एनआरएनबाट पाउने सदस्यता कार्ड संघमा मात्रै सूचिकृत हुने भएकाले दूतावासबाट एनआरएन कार्ड लिए फाईदा हुने कार्ड प्रयोग गर्दै आएकाको भनाई छ ।

एनआरएन युएईको तथ्याङ्क अनुसार २५ सय ६० जनाले राष्ट्रिय समन्वय परिषद्मार्फत सदस्यता लिएका छन् । तीमध्ये यसपटक पहिलो चरणमा ८ सय जनाको एनआरएन सदस्य कार्ड आइसीसी मार्फत युएई आइपुगेको एनआरएन युएई अध्यक्ष रमेश श्रेष्ठले उज्यालोलाई जानकारी दिनुभयो ।

एनआरएन कार्डको महत्व, यसको उपयोगिताबारे जानकारी गराउन नसक्दा कार्ड लिनेको संख्या कम भएको हुन सक्ने एनआरएन आइसिसी सचिव डिबी क्षेत्रीले बताउनुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्