काेहलपुरमा पाँच दिनअघि भएकाे हत्याकाे आरोपमा दुईजना पक्राउ

माघ २, २०७५ बुधबार १८:४५:४६ | गोविन्द शर्मा

बाँके - बाँकेको कोहलपुरमा पाँच दिनअघि हत्या गरिएका दिपक सिंह ठकुरीको हत्या आरोपमा दुईजना पक्राउ परेका छन् ।

जिल्ला प्रहरी कार्यालयले बुधबार पत्रकार सम्मेलन गरी हत्यामा संलग्न बाँके राप्ती सोनारी-२ का २१ वर्षीय जिरे भन्ने युवराज गिरि र अछाम हिस्मा गाउँपालिकाका २२ वर्षीय भरत बहादुर शाहीलाई पक्राउ गरेको जानकारी दिएको हो ।

बाँकेका प्रहरी प्रमुख एसपी अरुण पौडेलका अनुसार शाहीलाई सुर्खेतको सालकोटबाट मंगलबार र गिरिलाइ बर्दियाको खाता जंगलबाट बुधबार पक्राउ गरिएको हो । सुरक्षा घेरा तोडेका गिरिलाइ प्रहरीले पक्राउका लागि गोली चलाउनु परेकाे जनाएको छ ।

बायाँ खुट्टाको घुँडामुनी गोली लागेका गिरिको शिक्षण अस्पतालमा उपचार भैरहेको छ । मृतक सुर्खेत सिम्ता गाउँपालिका २ काफलकोटका दिपक सिंह ठकुरीले प्रहरी बन्न भरतलाई रकम दिएको पाइएको प्रहरीले जनाएको छ ।

प्रहरीमा भर्ना हुन आएका दिपकले शारीरिक परीक्षा उत्तीर्ण गरी मेडिकल परीक्षाको नतिजाको पर्खाइमा रहेकाे बताइएकाे छ । दिपकको शव पुस २८ गते बिहान कोहलपुर बसपार्कपछाडि फेला परेको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्