रामेछापमा यात्रु बस दुर्घटना: २ जनाकाे ज्यान गयाे, २३ घाइते

माघ ६, २०७५ आइतबार १८:४:१५ | दीपक भट्ट

रामेछाप – रामेछापको मन्थली नगरपालिका वडा नं–१ मच्छेडाँडीमा आइतबार दिउँसो एउटा यात्रुबाहक बस दुर्घटना हुँदा २ जनाको मृत्यु भएको छ भने २३ जना घाइते भएका छन् ।

छिमेकी जिल्ला ओखलढुङ्गाको घोराखोरीबाट काठमाडौं जान हिँडेको बा ४ ख ४२१० नम्बरको अरनिको यातायात सेवा समितिको बस मन्थली नगरपालिकाको मच्छेडाँडीमा ब्रेक फेल भएर दुर्घटना भएको बताइएको छ ।

बसमा रहेकामध्ये ओखलढुङ्गा जिल्ला फुलबारी घर भएका अन्दाजी ३६ वर्षका प्रेम भनिने ओमबहादुर कार्कीको घटनास्थलमा नै मृत्यु भएको हो । त्यस्तै घटनामा गम्भीर घाइते भएका मन्थली नगरपालिका वडा नं–५ सुनारपानीका अन्दाजी वर्ष ३२ का निरज भुजेलको उपचारको लागि काठमाण्डौ लैजाँदै गर्दा बाटोमा नै मृत्यु भएको जिल्ला प्रहरी कार्यालय रामेछापले जनाएको छ ।

दुर्घटनामा परि घाइते भएका अन्य २३ जनाको दुर्घटनास्थलवाट प्रहरी तथा स्थानीयलगायतको टोलीलेउद्धार गरी मन्थलीमा रहेको तामाकोशी सहकारी अस्पतालमा उपचार भइरहेको छ ।

उपचाररतमध्ये थप गम्भीर घाइते दुई जनालाई काठमाण्डौ रिफर गरिएको तामाकोशी सहकारी अस्पतालका निर्देशक डा.सुमन कर्माचार्यले जानकारी दिनुभयो । उहाँका अनुसार अन्य घाइतेको अवस्था सामान्य रहेको छ । हाल सबै घाइतेको उपचार सोही अस्पतालमा भइरहेको छ ।

यसरी दुर्घटनामा परि घाइते हुनेहरुमा रामेछापका गौतम भुजेल, नारायण कार्की, सरोज कार्की, भक्तबहादुर भुजेल, इश्वरी महत, युनिषा भुजेल, अजय भुजेल रहेका छन् । त्यसैगरी ओखलढुङ्गाका नवराज पाण्डे, खड्ग भुजेल, मिलन गुभाजु, चिना माया माझी, अर्जुन तामाङ बर्दिया जिल्ला घर भई ओखलढुगांबाट काठमाण्डौतर्फ हिँडेका भोलाराम थारु, बलदेव थारु लगायत २३ जना रहेका छन् ।

ओरालो कालोपत्रे सडकमा गुडिरहेको बसको एक्कासी ब्रेकफेल भएपछि चालकले दुर्घटना हुनबाट जोगाउन पक्की सडकको भित्तातर्फ उकालो लागेको कच्ची सकडतर्फ बस लगेका थिए । यात्रु जोगाउन बसलाई कच्ची सडकतर्फ लैजाँदा बस पल्टिएको थियो ।

बस अकस्मात पल्टिन खोज्दा बसको ढोकामा रहेका मृतक भुजेल बसको ढोकाबाट हाम फालेका प्रत्यक्षदर्शीले बताएका छन् । उनलाई अन्य साथीहरुले हाम नफाल्न आग्रह गरेका थिए ।
तर साथीहरुले भनेको कुरा नसुनी हामफाल्दा बसले उनको कम्मर मुनिको भाग च्यापेको थियो । उनलाई डोजरको सहायताले घटनास्थलबाट निकालेर अस्पताल पठाइएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्