कार्यालय रित्तै, कर्मचारी भ्रमणमा

माघ ७, २०७५ सोमबार १२:३८:५३ | मनिराज पाण्डे

कालीकोट – दैनिक कामकाज प्रभावित हुने गरी पलाँता गाउँपालिकाका सबै कर्मचारी भ्रमणमा गएका छन् । प्रमुख प्रशासकीय अधिकृत रामप्रसाद कुस्मा कर्मचारी समायोजन फर्म भर्न दुई साताअघि काठमाण्डौ गएपछि अन्य कर्मचारी भ्रमणमा गएका हुन् ।

‘गाउँपालिका अध्यक्ष गाउँपालिकामा हुँदा सबै कर्मचारी गाउँपालिकामै हुन्छन् तर अध्यक्ष गाउँपालिका बाहिर जाँदा सबै कर्मचारी विभिन्न बहानामा कार्यालय छोडेर भाग्छन्’ नाम नबताउने शर्तमा एक स्थानीय सेवाग्राहीले भन्नुभयो ।

कर्मचारी नभएपछि सेवाग्राही पनि आउन छाडेको कार्यालय कुर्न बसेका स्वास्थ्य सह–संयोजक विनोदकुमार न्यौपानेले बताउनुभयो । लेखापाल खिमलाल पुन विकास बजेटको ६० प्रतिशत बजेट खर्च गरी बिदामा घर गएको तर अन्य कर्मचारी कहाँ गए भन्ने थाहा नभएको गाउँपालिका अध्यक्ष लक्ष्मणबहादुर बमले बताउनुभयो ।

अन्य कर्मचारी नायव सुब्वा तथा सूचना अधिकारी राजबहादुर बम र प्राविधिक शाखा प्रमुख पदमबहादुर शाही विदेश भ्रमणमा निस्किनुभएको छ । त्यस्तै, समायोजन फर्म भर्न भनि जानुभएका प्रमुख प्रशासकीय अधिकृत विदेश गएको कर्मचारीको भनाई छ । पलाँता गाउँपालिकाका एक मात्र सचिव विष्णुकान्त प्याकुरेल भने माघी महोत्सवका लागि बर्दिया जानुभएको छ ।

लेखा सहायक र एकजना खरिदार पनि बिदामा नै छन् । सबै कर्मचारी १५ गतेसम्म आउने कार्यालयमा भिडियो हेर्दै दिन काट्दै गरेका न्यौपानेले बताए । बिदामा गएका कर्मचारीले बिदा स्वीकृत गराएका छैनन् ।

पहिले गाविस सचिव र कार्यालय प्रमुख नबस्ने समस्या आउँथ्यो, अहिले स्थानीय निकायमा नियमित कर्मचारी नबस्ने गरेको गुनासो आइरहेको नागरिक समाज कालिकोटका अगुवा कालीबहादुर मल्लले बताउनुभयो । वर्षभरी कार्यालयमा कर्मचारी नबस्ने र असाढ मसान्तमा सबै बजेट सक्काउने परिपाटी अझै छुट्न सकेको छैन ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्