‘सुपर ब्लड वुल्फ मून’: आज लाग्ने चन्द्रग्रहणलाई देखेर कराउनेछन् जंगलमा ब्वाँसाहरु

माघ ७, २०७५ सोमबार १९:११:३६ | एजेन्सी

सन् २०१९ को पहिलो चन्द्रग्रहण आज अर्थात २१ जनवरीकाे राति लाग्नेछ । यसलाई सुपर ब्लड वुल्फ मून पनि भनिएको छ ।

२० देखि २१ जनवरीको बीचमा लाग्ने यो ग्रहण तीन चरणमा देखिनेछ । यस समय पूरै चन्द्रमा रातो देखिनेछ । चन्द्रमामा लाग्ने यो पूरै प्रक्रियालाई नासाले सबैभन्दा चमकदार दृश्य भनेको छ ।

याे बेला चन्द्रमा पृथ्वीको सबैभन्दा नजिक हुनेछ, यसरी नजिक हुँदा आकार ठूलो देखिने भएकाले यसलाई सुपरमून पनि भनिएको होे । यो ग्रहण मध्य प्रशान्त महासागर, उत्तरी‍ र दक्षिणी अमेरिका, यूरोप तथा अफ्रिकाबाट देखिनेछ । भारत तथा नेपालबाट भने यसलाई देख्न सकिने छैन ।

अमेरिकी अन्तरिक्ष संस्था नासाका अनुसार सुपरमून अन्य दिनको तुलनामा आज पृथ्वीको सबैभन्दा नजिक रहनेछ । पृथ्वीबाट यसको दूरी करिब ३ लाख ६३ हजार किलोमिटर हुनेछ । जब कि चन्द्रमा पृथ्वीबाट सबैभन्दा टाढा हुँदा चन्द्रमा र पृथ्वीबीचको दूरी ४ लाख ५ हजार किमी हुनेगर्छ ।

किन भनिन्छ ब्लड मून

नासाको गोडार्ड स्पेस फ्लाइट सेन्टरका अनुसन्धाता डाक्टर नोह पेट्रोका अनुसार अन्य दिनभन्दा सुपरमून लागेको दिन चन्द्रमा १४ प्रतिशत ठूलो र ३० प्रतिशत बढी चम्किलो हुनेगर्छ । यो समयमा चन्द्रमाको रंग रातो तामाजस्तो देखिने भएकाले यसलाई ब्लडमून भनिएको हो ।

ब्वाँसाहरु किन कराउँछन् ?

पौराणिक समयमा मौसम परिवर्तनको जानकारीको बारेमा भविष्यवाणी गर्ने तरिका फरक थियो । यस ग्रहणलाई अमेरिकी जनजातिले वुल्फ मून भन्छन् । पूर्णिमाको रातमा आहारको लागि निस्किँदा सूपरमूनको रात आकासमा रातो चन्द्रमा देखेर ब्वाँसाहरु जोरसँग कराउँछन् भन्ने मान्यता छ । त्यसै कारण यसलाई वुल्फ मून पनि भन्ने गरिएको हो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्