काठमाण्डाै - नेपाली क्रिकेट टिमका ब्याट्सम्यान रोहितकुमार पौडेल सबैभन्दा कम उमेरमा अर्धशतक बनाउने विश्वकै पहिलो खेलाडी भएका छन् ।

At the age of just 16 years and 146 days, Nepal's Rohit Paudel today became the youngest man to hit an international half-century, beating the likes of @sachin_rt and @SAfridiOfficial! 🇳🇵 🙌

➡️ https://t.co/lRo5UTfuFd pic.twitter.com/qsqZQDYX5y

— ICC (@ICC) January 26, 2019

आईसीसीले मान्यता दिएको एक दिवसीय क्रिकेट प्रतियोगितामा रोहितले शनिबार यूएईविरुद्ध अर्धशतक पूरा गरेका हुन् । उनले यसअघि पाकिस्तानका साइद अफ्रिदीको नाममा रहेको सबैभन्दा कम उमेरमा प्रहार गरेको अर्धशतकको रेकर्ड ब्रेक गरेका हुन् ।

अफ्रिदीले सन १९९६ मा श्रीलंकाविरुद्ध अर्धशतक बनाएका थिए । त्यतिबेला अफ्रिदी १६ बर्ष २१७ दिनका थिए ।

रोहितकुमारले बनाएकाे ५८ बलमा ५५ रन पनि कीर्तिमानी सावित भएकाे छ । यससँगै १६ वर्ष १४६ दिनका रोहित अन्तरराष्ट्रिय क्रिकेटमा पहिलो अर्धशतक बनाउने युवा पुरुष खेलाडी बनेका हुन् । यसअघि भारतीय खेलाडी सचिन तेन्दुलकरको नाममा यो रेकर्ड रहेको थियो ।

उनले १६ वर्ष २१३ दिनको उमेरमा पाकिस्तानविरुद्धको टेस्ट क्रिकेटमा ५९ रन बनाएका थिए ।

युएईविरुद्ध शनिबार अर्धशतक बनाएका रोहित कुमार पौडेलको उमेर १६ बर्ष १४६ दिन हो । जुन अफ्रिदीभन्दा रोहित ७१ दिनले कान्छो छन् ।