आगलागीमा परेर एघार महिने बच्चाको ज्यान गयो, घरगाेठ नष्ट

माघ १४, २०७५ सोमबार २०:४३:४० | दीपक भट्ट

रामेछाप – रामेछाप नगरपालिकां—६, डाङसिङटारका शंकर वहादुर मगरको घरमा आगलागीका कारण घर जल्दा उनका ११ महिने छोरा दिपेन्द्र मगरको डढेर ज्यान गएको छ ।

आगलागी हुँदा सोमबार दिउँसो घरमा बालक सुताएर वस्तुलाई घाँस काट्न गएकी दिपेन्द्रकी आमालाई गाउँलेहरुले बोलाएका थिए । उनी घर आइपुग्दासम्म दिपेन्द्रको ज्यान गैसकेको थियो ।

शंकरबहादुरको घरबाट अकस्मात धुवाको मुस्लो निस्किएपछि गाउँलेहरु घटनास्थलमा पुगेका थिए । घटनास्थल पुगेका गाउँलेहरुको सहयोगमा आँगो नियन्त्रण गरिए पनि बच्चालाई भने जोगाउन नसकेको वडा नं–७ सुकाजोरका वडाध्यक्ष समिर कार्कीले जानकारी दिनुभयो ।

आर्थिक अवस्था कमजोर भएका कारण दिपेन्द्रका बाबु शंकरबहादुर वैदेशिक रोजगारीका लागि विदेशमा रहेका छन् । उनका दुई छोराहरुमध्ये जेठो छोरा रोजगारीको लागि काठमाण्डौमा बस्दै आएका छन् ।

२०७२ सालको भूकम्पले घर भत्काएपछि घर नजिकैको गोठमा वस्तु तल्लो तलामा वाँधेर श्रीमती र काखको कान्छो छोरालाई छाडेर शंकर विदेश गएका थिए । त्यस घरमा अहिले दिपेन्द्रकी आमा र दिपेन्द्र मात्रै बस्दै आएका थिए ।

घटनामा ५ लाख बराबरको क्षति भएको आंकलन गरिएको छ भने बालकको शवलाई पोष्र्टमार्टमको लागि जिल्ला अस्पताल रामेछापमा राखिएको जिल्ला प्रहरी कार्यालय रामेछापका प्रहरी नायव उपरीक्षक अमरेन्द्रवहादुर सिंहले जानकारी दिनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्