भलिबलको फाइनल हेर्न खाँदबारी नगरपालिकासहित नगरभित्रका ११ वटा वडा कार्यालय बन्द

माघ १८, २०७५ शुक्रबार १६:१५:३१ | नवीन गुरुङ

संखुवासभा – संखुवासभाको सदरमुकाम खाँदबारीमा जारी मेयरकप फुटबल प्रतियोगिताको फाइनल हेर्न खाँदबारी नगरपालिकासहित नगरभित्रका ११ वटा नै वडा कार्यालयहरु बन्द गरिएको छ ।

२०५६ सालमा स्थापना भएको खाँदबारी नगरपालिका र नगरका प्रथम मेयर स्वर्गीय मेयर किरण शाक्यको सम्झानामा प्रथम मेयरकप भलिबल प्रतियोगिताको आयोजना गरिएको हो । भलिबल प्रतियोगिताको फाइनल हेर्न नगरभित्रका सम्पूर्ण नागरिकलाई निमन्त्रणा गर्दै नगरपालिकासहित नगरभित्रका ११ वटा नै वडा कार्यालयहरु बन्द गर्ने गरी वडा कार्यालयहरुलाई नगरपालिकाले पत्राचार गरेका थिए ।

नगरपालिकाको पत्रअनुसार आफूहरुले सूचना जारी गरेर वडा कार्यालय बन्द रहने गरी सम्पूर्ण सेवाग्राहीहरुलाई दुःख नपाओस् भनेर अग्रिम सूचना जारी गरेको खाँदबारी नगरपालिका–४, नम्बर वडा कार्यालयका सचिव राजकुमार राईले बताउनुभयो । नागरिक समाजका अगुवाहरुले भने नगरपालिकाले आफ्नो स्थापना दिवस मनाउन फरक कुरा हो । त्यस अवसरमा भलिबल प्रतियोगिता आयोजना गर्दैमा नगरभित्रका सम्पूर्ण वडा कार्यालय र खाँदबारी नगरपालिका नै बन्द गर्दा सेवाग्राही सर्वसाधारणले सास्ती खेप्नु परेको उहाँहरुको भनाइ छ । कतिपय सेवाग्राहीहरु टाढा–टाढाबाट समेत जिल्ला आएको र तुरुन्तै काम सकाएर फर्किनु पर्ने हुनसक्छ त्यस्तो अवस्थामा समस्या हुने गर्दछ ।

४ नम्बरको वडा कार्यालय मात्रै होइन, नगरभित्रका सवै वडा कार्यालय नगरपालिकाको कार्यालयसमेत बन्द रहेको छ । त्यस भलिबल प्रतियोगितामा संखुवासभाका १० र भोजपुरका २ वटा स्थानीय तह गरी १२ टिमको सहभागिता रहेको छ । १५ गतेबाट सुरु भएको प्रतियोगिता आज समापन हुदैछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्