पशुपति शर्माको गीत फेरि जस्ताको तस्तै यूटयूबमा राख्न आग्रह गर्ने राष्ट्रिय लोकदोहोरी प्रतिष्ठानकाे निर्णय

फागुन ५, २०७५ आइतबार १९:४९:५९ | उज्यालो सहकर्मी

काठमाण्डौ – चर्चित लोकदोहोरी गायक पशुपति शर्माको ‘लुट्न सके लुट’ बोलको गीत फेरि जस्ताको तस्तै यूटयूबमा राख्न राष्ट्रिय लोकदोहोरी प्रतिष्ठानले आग्रह गर्ने निर्णय गरेको छ ।

भ्रष्टाचार र बेथितिलाई समेटेर बनाएको शर्माको गीतलाई लिएर केही विरोध भएपछि शर्माले शनिबार साँझ यूटयूबबाट गीत हटाएका थिए । आइतबार शर्माको पक्ष लिँदै सरकारको व्यापक विरोध हुन थालेपछि प्रतिष्ठानले बैठक बसेर गीत फेरि यूटयूबमा हाल्न आग्रह गर्ने निर्णय गरेको हो ।

आइतबार बसेको बैठकले शर्माको गीतको विषयमा लामो छलफल गरेको र गीतमा जनमानसबाट उठेका आक्रोस समावेश रहेको भन्दै अन्य कुनै पनि खालका आपत्ति जनाउने विषय नभएको पनि प्रतिष्ठानले जारी गरेको विज्ञप्तिमा उल्लेख छ ।

विज्ञप्तिमा शर्माको गीत जस्ताको तस्तै सुन्न पाउनु दर्शक, स्रोताको अधिकार भएको भन्दै पुन यूटयूबमा राख्न गीतका सर्जक शर्मालाई आग्रह गरिएको छ ।
यस्तै बैठकले संगीत विकास बोर्ड वा संगीत सेन्सर बोर्ड गठन गर्नुपर्ने आफ्नो मागका बारेमा सरकारलाई पुनः स्मरण गराएको छ ।

यस्तै आजै गीत बन्द गर्ने विरोध गर्दै काठमाण्डौको माइतीघर मण्डलामा विरोध प्रदर्शन समेत गरिएको छ ।

‘गीत बन्द होइन भ्रष्टाचार बन्द गर्नुपर्छ’ भन्ने नारा लगाउँदै युवाहरुले केहीबेर विरोध प्रदर्शन गरेका थिए । बिरोध प्रदर्शनमा विवादमा परेको शर्माको गीत बजाउँदै नाचगान समेत गरिएको थियो ।

अन्तिम अपडेट: फागुन २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्