सुदूरपश्चिमका पहाडी जिल्लामा हिमपात, जनजीवन प्रभावित

फागुन १४, २०७५ मंगलबार १२:३:१३ | उज्यालो सहकर्मी

बैतडी – बैतडीका उच्च भेगमा सोमबार राति फेरि हिमपात भएको छ । जिल्लाको खोड्पे, सतबाँझ, मुस्याचौर र श्रीभावरलगायतका ठाँउमा हिमपात भएको छ । हिमपातले जिल्लामा चिसो पनि बढेको छ ।

लगातार मौसममा आएको परिर्वतनले बैतडीसहित सुदूरपश्चिमका पहाडी जिल्लामा चिसो बढेको छ ।

यो वर्ष यतिबेलासम्म चिसो रहिरहँदा चिसोले नागरिकहरु मर्कामा परेका दशरथचन्द नगरपालिका १ का देवदत्त भट्टले बताउनुभयो । लगातारको चिसोले यहाँका स्वास्थ्य संस्थाहरुमा रुघाखोकी, ज्वरो लगायतका बिरामीहरुको संख्या दिनप्रतिदिन बढीरहेको छ ।

हिमपातले बैतडीका ग्रामीण सडकहरु हिलाम्मे भएर सवारीसाधन सञ्चालनमा पनि समस्या भएको सवारीचालकहरुले बताएका छन् ।

हिमपातका कारण डोटीमा सडक अवरुद्ध

डोटीमा पनि सोमबार रातिदेखि नै हिमपात भएको छ । हिमपातका कारण जनजीवन प्रभावित बनेको छ । हिमपातसँगै वर्षा पनि भएको छ । डोटीका उच्च पहाडी बस्तीहरु हिउँले सेताम्य भएका छन् ।

हिमपातका कारण स्थानीयहरु घरबाहिर निस्किन सकिरहेका छैनन् । जिल्लाको खप्तड, भल्मा, गोलादेउ, शिखर, नापानी, केदारधुरा, उदैनिलगायतका उच्च लेकाली क्षेत्रमा बाक्लो हिउँ परेको स्थानीय दीपक खड्काले बताउनुभयो । उहाँका अनुसार बाक्लो हिमपातका कारण स्थानियले गाईबस्तु समेत चराउनका लागि गोठ बाहिर निकाल्न सकेका छैनन् ।

त्यस्तै सुदूरपश्चिमको प्रमुख पर्यटकीय स्थल खप्तडमा करिब दुई फीट हिउँ परेको नेपाली सेनाको सुदूरपश्चिम पृतना दिपायलले जनाएको छ । त्यस्तै हिमपातका कारण अत्तरिया स्याउले जोड्ने भिमदत्त राजमार्ग केही समय बन्द भए पनि अहिले सुचारु भएको इलाका प्रहरी कार्यालय बुडरले जनाएको छ ।

अन्तिम अपडेट: फागुन २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्