गोदामचौर बलात्कार घटनाका तीन जना अभियुक्तलाई १० वर्ष जेल

फागुन १७, २०७५ शुक्रबार १९:४१:३८ | उज्यालो सहकर्मी

ललितपुर – ललितपुर जिल्ला अदालतले ललितपुरको गोदामचौर बलात्कार घटनाका तीनैजना अभियुक्तलाई १० वर्षको जेल सजाय फैसला गरेको छ ।

जिल्ला अदालत ललितपुरका न्यायाधीश धनसिंह महराको इजलाशले अभियुक्त रघु सिलवाल, पवन कुँवर र विशालध्वज कार्कीलाई दोषी ठहर गर्दै १० वर्षको जेल सजाय सुनाएको हो ।

तीनै जनालाई बलात्कारमा १० वर्ष, ज्यान मार्ने उद्योगमा १० वर्ष र चोरीको मुद्दामा ६० दिन जेल सजाय सुनाइएको भए पनि एकैचोटी ५ भन्दा कम मुद्दाको फैसला भएमा सबैभन्दा धेरै सजाय मात्रै हुने भएकोले १० वर्षको जेल सजाय सुनाएको अदालतका श्रेस्तेदार चक्रप्रकाश तिवारीले उज्यालोलाई जानकारी दिनुभयो ।

ज्यान मार्ने उद्योगमा संलग्न भएको अभियोगमा उनीहरुलाई जनही १ लाख रुपैयाँ पीडीतलाई क्षतिपूर्ति भराउने फैसला पनि अदालतले गरेको छ ।

२०७४ साल मंसिरमा गोदावरी नगरपालिका १ गोदामचौरमा २१ वर्षकी युवतीलाई बलात्कार गरी मार्ने उद्धेश्यले टाउकोमा ढुङ्गाले हानेर बेहोस बनाएको र पीडितको साथमा रहेका सामग्री पनि अभियुक्तले चोरेर भागेको ललितपुर अदालतले ठहर गरेको हो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गोदामचौर बलात्कार घटनाका तीन जना अभियुक्तलाई १० वर्ष जेल

प्रतिकात्मक तस्बिर

तपाईको प्रतिक्रिया