भोजपुरमा दुर्लभ वन्यजन्तुकाे छालासहित हतियार बरामद

फागुन २४, २०७५ शुक्रबार १६:४:४५ | बुद्ध तामाङ

भोजपुर – टेम्केमैयुङ्ग गाउँपालिकाबाट विभिन्न वन्यजन्तुको छाला, अंग र अवैध हातहतियार प्रहरीले बरामद गरेको छ ।

गाउँपालिकाको वडा नम्बर–२ छिनामखु रुमलाका निरकुमार भुजेलको घरबाट हतियारसहित दुर्लभ वन्यजन्तुको छाला फेला पारेको प्रहरीले शुक्रबार पत्रकार सम्मलेन मार्फत सार्वजनिक गरेको छ ।

सुराकीको आधारमा प्रहरीले छापा मार्ने क्रममा भरुवा बन्दुक २ थान, रेड पान्डा (हाब्रे) को छाला १ थान, भालुको छाला र खुट्टाको पन्जा १÷१ थान, निगाले बाघको छाला १ थान, मृगको छाला १ थानसहित भरुवा बन्दुकमा प्रयोग हुने ब्यारेल २ थान र ४ सय ग्राम बारुद फेला पारेको जिल्ला प्रहरी कार्यालय भोजपुरका डीएसपी केशवकुमार थेवेले बताउनुभयो ।

प्रहरी टोलीले भुजेलको २ वटा घरमा छापा मारेर वन्यजन्तुको छाला, अंग र हातहतियार फेला पारेको थियो ।

भुजेल भने केही समय अगाडि मात्र वैदेशिक रोजगारीमा गएको भन्ने बुझिएकोले अनुसन्धान भइरहेको प्रहरी उपरीक्षक थेवेले बताउनुभयोे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्