सर्लाहीमा सम्बन्ध विच्छेदका घटना बढ्दाे

फागुन ३०, २०७५ बिहीबार १४:४४:० | रामबाबु खड्का

सर्लाही - सर्लाहीमा पछिल्लो समय सम्बन्ध विच्छेदका घटना बढ्दै गएको जिल्ला अदालत सर्लाहीको तथ्यांकले देखाएको छ ।

आर्थिक वर्ष ०७४-०७५ मा जम्मा १०९ वटा सम्बन्ध विच्छेदका मुद्दा परेकोमा ५३ वटा मुद्दा फर्छ्याैट भइसकेको जिल्ला अदालत सर्लाहीका श्रेस्तेदार मुकुन्द आचार्यले जानकारी दिनुभयो । यस आर्थिक वर्षमा पुरुषले ४८ महिलाले ४१ र संयुक्त पति पत्नी दुवैको तर्फबाट २० वटा सम्बन्ध विच्छेदका मुद्दा दर्ता भएको उहाले जानकारी दिनुभयो ।

पुरुषले दर्ता गराएका ४८ वटा मुद्दामा सात वटा फर्छ्याैट भएको र महिलाले दर्ता गराएका ४१ मध्ये २६ वटा मुद्दा फर्छ्याैट भइसकेका छन् । पति पत्नी दुवैतर्फको संयुक्त रुपमा परेका २० वाटा मुद्दा मध्ये सबै फर्छ्याैट भएका छन् ।

गएकाे भदौ १ गतेदेखि नयाँ मुलुकी देवानी संहिता २०७४ लागू भएपछि अदालतमा पुरुषको तर्फबाट सम्बन्ध विच्छेदका मुद्दा दर्ता गर्ने पुरुषको संख्या निकै बढेको छ। वैदेशिक रोजगार, घरेलु हिंसा र आपसी वादविवादको कारणले सम्बन्ध विच्छेदका घटना बढेको अदालतले जनाएको छ।

अहिलेको कानुनमा पुरुषले सहजै अदालत गएर सम्बन्ध विच्छेदको मुद्दा दर्ता गर्नसक्ने कानुन बनेपछि वैदेशिक रोजगारीबाट फर्केका पुरुषहरुले बढी सम्बन्ध विच्छेद गर्ने गरेका छन् ।

यसभन्दा पहिले पुरुषले सम्बन्ध विच्छेद गर्न चाहँदा ९ गाविस वा, नगरपालिकाको० सिफारिस लिएर अदालत गएर पछिमात्र सम्बन्ध विच्छेद हुने गरेकोमा अहिले सिधै अदालत जानसक्ने नयाँ कानुनले अधिकार दिएपछि यो संख्या बढेको बरहथवा नगरपालिकाका कानुनी सल्लाहकार महेश बरालले जानकारी दिनुभयो ।

नेपालीको जारी मुलुकी देवानी संहिता २०७४ को भाग ३ को पारिवारिक कानुनको परिच्छेद ३ ले पति-पत्नीबीच चित्त नबुझे सम्बन्ध विच्छेद गर्न सक्ने व्यवस्था गरेको छ ।

यो कानुन बनेपछि पति-पत्नीबीच सम्बन्ध विच्छेदकाे प्रकृया सहज भएकाले संख्या बढेको हो।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्