इजिप्टका गोलरक्षक इसाम अल–हदारी विश्वकप खेल्ने सबैभन्दा पाका खेलाडी बनेका छन् । 

विश्वकप २०१८ मा साउदी अरेबियाविरुद्ध उनले आज १५७ क्याप खेलेका छन् । ४५ वर्ष १६१ दिनका हदारी पहिलो पटक विश्वकप प्रतियोगितामा सहभागी भएका हुन् । 

हदारीले सन् २०१४ मा कोलम्बियाका गोदलरक्षक फरिद मोन्द्रागोनको रेकर्ड तोडेका हुन् । मोन्द्रागोन विश्वकप खेल्दा ४३ वर्ष र ३ दिनका थिए । 

इजिप्ट र साउदी अरेबिया दुवै विश्वकप २०१८ मा पहिलो जितको खोजीमा रहेका छन् । साउदी अरेबियाले रुससँग ५–० र उरुग्वेसँग १–० ले हारेको थियो  । त्यस्तै इजिप्ट रुससँग ३–१ ले तथा १–० ले हारेका थियो । 

समूह चरणका दुई खेल हारेका यी दुवै टोली विश्वकपबाट बाहिरिसकेका छन् । समूह एबाट रुस र उरुग्वे प्रि–क्वार्टरफाइनलमा पुगिसकेका छन् । 

रुस विश्वकपमा अल–हदारीभन्दा कान्छा ३ जना प्रशिक्षक नै रहेका छन् । उनीभन्दा कान्छा प्रशिक्षकमा सर्बियाका म्लादेन साजिक, सेनेगलका अलिओउ सिसे तथा बेल्जियमका रोबेर्टो मार्टिनेज रहेका छन् ।