विश्वकप फुटबल २०१८ मा समूह चरणको अन्तिम खेलमा रुसविरुद्धको खेलको पहिलो हाफमा उरुग्वेले २–० को अग्रता बनाएको छ । 

खेल सुरु भएको १० औँ मिनेटमा उरुग्वेका लागि बार्सिलोना स्टार लुइस स्वारेजले फ्रिकिकमार्फत गोल गरेका हुन् । रुसका युरी गाजिन्स्किीले उरुग्वेका रोड्रिगो बेन्टान्करलाई डिबक्सबाहिर लडाएपछि उरुग्वेले फ्रिकिक पाएको थियो । स्वारेजले २० यार्डबाट हानेको प्रहार सिधै गोल भएको थियो । 

२३औं मिनेटमा उपहार गोलमार्फत उरुग्वेले अग्रता दोब्बर बनायो । डिएगो स्वारेजले डिबक्स बाहिरबाट गरेको शशक्त प्रहार क्लियर गर्न लाग्दा रुसका डेनिस चेरिसेभले आफ्नै पोस्टमा गोल गर्न पुगेका थिए ।

खेलकाे ३५ अाैँ मिनेटमा रुसका इगाेर समिनाेकाेभले उरुग्वेका लक्साल्टलाई लडाएपछि दाेहाेराे पहेँलाे कार्ड खाँदै मैदानबाट बाहिरिएका छन् । दश जना खेलाडीमा सीमित रुस उरुग्वेसामु निकै नै दबाबमा देखिएकाे छ ।