भन्सालीको फिल्ममा २० वर्षपछि सलमान, आलिया भट्ट मुख्य अभिनेत्री

चैत ५, २०७५ मंगलबार १५:२४:२० | एजेन्सी

पछिल्लो केही समययता सञ्जयलीला भन्साली उनको आगामी फिल्म ‘इन्शाल्लाह’ का कारण चर्चामा छन् ।

केही दिनअघि यस फिल्मका लागि अभिनेता सलमान खान फाइनल भएको खबर सार्वजनिक भएका थिए । यसअघि सञ्जय लीला भन्साली र सलमान खानले सन् १९९९ मा फिल्म ‘हम दिल दे चुके सनम’ मा एक साथ काम गरेका थिए ।

२० वर्षपछि सलमान खान र सञ्जयलीला भन्साली फेरि एकसाथ काम गर्ने भएका छन् । यसका साथै यस फिल्ममा सञ्जयलीला भन्सालीले सलमन खानकी हिरोइन पनि फाइनल गरिसकेका छन् । फिल्म ‘इन्शाल्लाह’मा आलिया भट्ट मुख्य अभिनेत्री हुने पक्का भएको छ । दर्शकले अब यस फिल्ममा ५३ वर्षीय सलमान खान र २६ वर्षीया अभिनेत्री आलिया भट्टबीचको रोमान्स हेर्न पाउनेछन् ।

उमेरमा सलमान खान र आलिया भट्टबीच २७ वर्षको अन्तर रहेको छ । आलिया भट्ट र सलमान खान पहिलो पटक एकसाथ स्क्रिन सेयर गरिरहेका छन् । आलिया भट्ट सोमबार आधी रातमा संजय लीला भन्सालीको कार्यालय गएकी थिइन् । त्यसको भोलिपल्ट अर्थात आज मंगलबार आलिया यस फिल्मको लागि फाइनल भएको खबर सार्वजनिक भएको हो ।

It’s been 20 years but I am glad Sanjay and I are finally back in his next film, Inshallah. Looking forward to work with Alia and inshallah we will all be blessed on this journey.#Inshallah #SLB @aliaa08 @bhansali_produc @SKFilmsOfficial
— Salman Khan (@BeingSalmanKhan) 19 March 2019

सलमान खानले उनको यस फिल्ममा अभिनेत्री आलिया भट्ट फाइनल भएको कुराको जानकारी आफ्नो ट्विटर ह्याण्डलमाफर्त दिएका छन् । यसका साथै अभिनेत्री आलिया भट्टले पनि ट्वीट गर्दै ‘इन्शाल्लाह’ को यात्रामा सञ्जय र सलमान खानका साथ काम गर्ने पाउने कुराले धेरै खुशी भएको बताएकी छिन् ।

Dream with your eyes wide open they say & I did. Sanjay Sir and Salman Khan are magical together & I can't wait to join them on this beautiful journey called “Inshallah” ❤#Inshallah #SLB @BeingSalmanKhan @bhansali_produc @SKFilmsOfficial @prerna982
— Alia Bhatt (@aliaa08) 19 March 2019

फिल्म ‘इन्शाल्लाह’ मा अभिनेता शाहरुख खानको केमियो रहने खबर पनि सार्वजनिक भएका छन । यस फिल्मको छायाँकंन ‘दबंग ३’ पछि सुरु हुनेछ । फिल्म ‘इन्शाल्लाह’ को निर्माण सलमान खान र सञ्जयलीला भन्साली मिलेर गर्नेछन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्