१० दिनदेखि हराइरहेका युवाको अवस्था अझै अज्ञात

चैत ५, २०७५ मंगलबार १६:८:५४ | दीपक भट्ट

रामेछाप – फागुन २६ गतेबाट बेपत्ता भएका गोकुलगंगा गाउँपालिका वडा नं–४ बेतालीका बाबुराम बस्नेतको अवस्था अझै अज्ञात रहेको छ ।

गएको फागुन २६ गते घरवाट छिमेकीको विवाहमा त्यही गाउँको भुजेल टोलमा विवाहमा जन्ती गएका बाबुरामलाई स्थानिय गाउँलेले कुटपीट गरेका थिए । कुटपीटपछि उनलाई सोही गाउँका एक युवकले मोटरसाइकलमा घर तर्फ लगिदिएको स्थानियहरुले वताएका भए पनि उनी अहिलेसम्म घर पुगेका छैनन् ।

घरबाट विवाहमा जन्ती हिँडेका बाबुराम सम्र्पकमा नआएपछि घरपरिवारका सदस्यहरुले खोजी कार्यको लागि प्रहरीमा निवेदन दिएका छन् ।

फागुन २७ गतेदेखि खोजी सुरु गरिएको भए पनि बाबुरामको अवस्था अझै अज्ञात नै छ । खोजीका लागि स्थानीय, प्रहरी, घरपरिवारका सदस्य लगायतको टोली जुटेको छ ।

बाबुरामको खोजीमा जुटेको प्रहरीले उनको मोबाइलको कल डिटेल हेर्दा छिमेकी जिल्ला दोलखाको किर्नेटारसम्मको लोकेसन देखापरेको छ । त्यसपछि मोबाइल स्विच अफ भएकाले थप लोकेसन देख्न सकिएको छैन ।
थप कल डिटेल हेर्न रामेछाप अदालतसँग अनुमति मागिएको र चाँडै नै सबै कल डिटेलको आधारमा खोजी कार्य गरिने जिल्ला प्रहरी कार्यालय रामेछापका प्रहरी निरीक्षक शेख अदालतले जानकारी दिनुभयो ।

यता स्थानीय नेताहरुले भने घटनालाई प्रहरीले गम्भीरताका साथ नलिएको आरोप लगाएका छन् । गएको फागुन २६ गतेदेखि हराएको एक युवकको अवस्था अझै पत्ता लगाउन नसक्नु प्रहरीको कमजोरी भएको नेकपाका नेता प्रेमकुमार कार्कीले बताउनुभयो ।
उहाँले भन्नुभयो, ‘एउटा व्यक्ति हराएको एक हप्ताभन्दा पनि बढी भयो । अहिलेसम्म उसको अवस्था के छ त्यति पनि पत्ता लगाउन नसक्नु प्रहरीको कमजोरी हो ।’

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्