प्रअले पहिले नै पैसा उठाएर हिनामिना गरेपछि दोब्बर दस्तुर तिरेर एसईईमा सहभागी हुँदै विद्यार्थी

चैत ७, २०७५ बिहीबार १५:१९:५९ | रामबाबु खड्का

सर्लाही – चन्द्रनगर गाँउपालिका–१, किसनपुरमा रहेको जनता आधारभूत विद्यालयका ३८ जना विधार्थी दोब्बर दस्तुर बुझाएर राष्ट्रीय माध्यमिक परीक्षा(एसईई) मा सहभागी हुने भएका छन् ।

विद्यालयका पूर्व प्रधानाध्यापक महेशी महतोले एसईईमा सहभागी विधार्थीसँग पहिले नै शुल्क उठाएर हिनामिना गरेपछि विद्यार्थी दोब्बर दस्तुर बुझाएर परीक्षामा सहभागी हुन बाध्य भएका हुन् । पहिले नै उनीहरूले परीक्षा शुल्कबापत ५५० रुपैयाँ बुझाएका थिए । फेरि एक हजार परीक्षा शुल्क बुझाउन पर्दा आफूहरु समस्यामा परेको छात्र आलोककुमार ठाकुरले गुनासो गरे । यसरी परीक्षाको राजश्व हिनामिना गरेर आफ्नो छोराछोरीको भविष्यमाथि खेलबाड गर्ने प्रअलाई कारबाही गर्नु पर्ने अभिभावक सतन रामले बताउनुभयो ।

शिक्षकहरु नियमित नआउँदा पठनपाठन प्रभावित भएको समेत अभिभावकले गुनासो गरेका छन् । विद्यालयको रकम हिनामिना गरेकोकाले पूर्व प्रअ महतोको सञ्चयकोष रोक्का गरिएको र कारबाही प्रक्रिया अगाडि बढाएको प्रधानाध्यापक श्याम महतोले जानकारी दिनुभयो ।

पूर्व प्रअ महतोले विद्यालयको भवन निर्माण गर्ने क्रममा र छात्रवृत्तिको रकम वितरण गर्दा झण्डै २५ लाख रुपैयाँ भन्दा बढी रकम हिनामिना गरेको अभिभावकहरुले आरोप लगाएका छन् । तर पूर्व प्रअ महतोसँग यस विषयमा पटक–पटक बुझ्न खोज्दा उहाँ सम्पर्कमा आउनुभएन ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रअले पहिले नै पैसा उठाएर हिनामिना गरेपछि दोब्बर दस्तुर तिरेर एसईईमा सहभागी हुँदै विद्यार्थी

फाइल फाेटाे

तपाईको प्रतिक्रिया