अमेरिकी दबाबका बाबजुद हुवावेको राजश्वमा १९ प्रतिशतले वृद्धि

चैत १५, २०७५ शुक्रबार १४:५२:३४ | एजेन्सी

काठमाण्डाै - विश्वको सबैभन्दा ठूलो टेलिकम (दूरसञ्चार) उपकरण निर्माता कम्पनी हुवावेको राजश्व सन् २०१८ मा १९.५ प्रतिशतले बढेर १०७.१३ अर्ब डलर पुगेको छ ।

पहिलोपटक कम्पनीको राजश्वले एकसय अर्ब अमेरिकी डलरको आँकडा पार गरेको हो ।

हुवावेको उपभोक्ता व्यापारमा पनि राम्रै वृद्धि भएको छ । हुवावेको राजस्व वृद्धि सन् २०१७ भन्दा २०१८ मा निकै राम्रो रहे पनि कूल नाफा भने त्यति उत्साहजनक छैन ।

हुवावेका लागि यो महत्वपूर्ण छ किनकि अमेरिकालगायत विश्वका कैयौं देशमा हुवावेले गत वर्षदेखि संकटको सामना गरिरहनु परेको छ । अमेरिकाले भनेको छ, ‘चीनले जासुसीको लागि हुवावेको नेटवर्कको प्रयोग गर्न सक्छ । हुवावेको उपकरण सुरक्षित छैन । अमेरिकाले सहयोगी देशमाथि पनि दबाब बनाउने कोशिश गर्दै फाइभ जी (५जी) मोवाइल नेटवर्कको विस्तारमा भाग लिनबाट हुवावेलाई रोक्न चाहेको छ ।’

संयुक्त अधिराज्य बेलायतमा पनि हुवावेको चिन्ता बढ्दै गएको छ । बेलायती सरकारले गएको बिहीबार सफ्टवेयर डेभलपमेन्ट (उपकरण विस्तार) को तरिका चिन्ताजनक भएको बताएको छ ।

हुवावेले भने यो घटनालाई गम्भीरतापूर्वक लिइरहेको बताएको छ । यो मुद्दा समाधान गर्नका लागि बेलायती सरकारसँग कुराकानी भइरहेको उसले बताएको छ ।
यसै महिना हुवावेले अमेरिकाविरुद्ध मुद्दा पनि दर्ता गरेको छ । अमेरिकी कानुनका अनुसार, यहाँको सरकारी एजेन्सीहरुलाई हुवावेको उपकरण खरिद गर्नबाट वञ्चित गरिएको छ ।

गएको डिसेम्बरमा क्यानडामा हुवावेका मुख्य वित्तीय अधिकारी (सिएफओ) मेङ्ग वाङ्झाउलाई गिरफ्तार गरिएको थियो ।

क्यानडाले अमेरिकाको आग्रहमा उनलाई गिरफतार गरेको थियो । अमेरिकाले अनुसार, हुवावेले बैंकसँग बेइमानी गरेको र प्रतिबन्ध लगाउँदा पनि इरानसँग व्यापार गरेको आरोप लगाउँदै आइरहेको छ ।

हुवावेले भने अमेरिकाले लगाएको आरोप गलत भएको बताउँदै आएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्