अवाञ्छित गतिविधि हुने भन्दै 'शक्ति पिक म्युजिक फेस्टिबल'माथि प्रशासनले लगायो रोक

चैत २५, २०७५ सोमबार १९:३९:२६ | सन्ताेष रुचाल

धनकुटा – स्थानीय प्रशासनले रोक लगाएपछि तेह्रथुम, संखुवासभा र ताप्लेजुङको संगमस्थल तीनजुरे मिल्के जलजलेको गुफा पोखरी क्षेत्रमा हुने भनिएको म्युजिक फेस्टिबल अन्तिम समयमा स्थगित भएको छ ।

एक सय तीन देशका पर्यटक सहभागी हुने र ७२ देशका कलाकारले सांगीतिक प्रस्तुति दिने भनिएको त्यस कार्यक्रमका सहभागीलाई शुक्रबार प्रहरीले धनकुटाको हिले तथा संखुवासभाको टुटे देउरालीबाट फर्काएको थियो ।

कार्यक्रममा सहभागी हुन त्यस क्षेत्रमा पुगेका ३ सय बढी सहभागी हिलेमा रोकिएका थिए । अन्य सयौं सहभागी आउने क्रम जारी रहेका बेला बाटैबाट फकाईएको प्रहरीले जनाएको छ । शान्ति सुरक्षा र अश्लील क्रियाकलाप हुन सक्ने भन्दै रोक लगाइएको प्रशासन स्रोतले जनाएको छ ।

प्रशासनले रोक लगाएका कारण शुक्रबारदेखि आउँदो वैशाख ७ गतेसम्म तय गरिएको पूर्व घोषित कार्यक्रम स्थगित गरिएको मादी नगरपालिका–९ का वडाध्यक्ष पासाङ शेर्पाले जानकारी दिनुभयो । प्रहरीले बाटैबाट सहभागीलाई फर्काएपछि सयौं विदेशी पर्यटक हिलेमा तीन दिनसम्म रोकिएका थिए । हिलेस्थित होराइजन होटलमा बस्दै आएका सयौं पर्यटकलाई प्रहरीले कार्यक्रम नहुने जानकारी गराएर फिर्ता गरिएको जिल्ला प्रहरी कार्यालय एसपी सुरेन्द्रबहादुर गुरुङले बताउनुभयो ।

आयोजकले गएको वर्ष पनि त्यसै ठाउँमा म्युजिक फेस्टिबल आयोजना गरेको थियो । अघिल्लो वर्ष गरिएको कार्यक्रमको प्रतिवेदनका आधारमा अवाञ्छित गतिविधि रोक्न भन्दै म्युजिक फेस्टिबलका मुख्य कार्यक्रम आयोजक शक्ति पिक म्युजिक फेस्टिबल प्रालिका प्रमुख सुवास केसीलाई प्रहरीले अनुसन्धानका लागि नियन्त्रणमा लिएको छ । केसीलाई धनकुटा प्रहरीले नियन्त्रणमा लिएर आइतवार संखुवासभा पुर्‍याएको बताइएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्