राजर्षि जनक कप : आयोजक बाग्मती युवा क्लबको विजयी सुरुवात

चैत २५, २०७५ सोमबार १९:५३:२७ | रामबाबु खड्का

सर्लाही - सर्लाहीकाे बाग्मतीमा सोमबारबाट सुरु भएको राजर्षि जनक कप रनिङ शिल्ड फुटबल प्रतियोगिताकाे उद्घाटन खेलमा आयोजक टिम बाग्मती युवा क्लब विजयी भएको छ।

बाग्मती नगरपालिकास्थित स्वर्गीय सन्तोष श्रेष्ठ स्मृति खेल मैदानमा भएको पहिलो खेलमा बागमती युवा क्लबले सरस्वती युवा क्लबलाई ३-१ ले हराएकाे हाे । खेलकाे सुरुवातदेखि नै सरस्वती युवा क्लबलाई बागमती युवा क्लबले दबाबमा राखेकाे थियाे । बाग्मति युवा क्लबका लागि विमल घिसिङले २ तथा आर्जन गुरुङले १ गोल गरेका थिए ।

सरस्वती युवा क्लबका लागि तीर्थ बस्नेतले एक गाेल गरे ।

मंगलबार हिमालयन शेर्पा र एपीएफबीच खेल हुनेछ ।

प्रतियोगिताकाे विजेतालाई दश लाख र उपविजेतालाई पाँच लाख पुरस्कारको प्रदान गरिने आयोजकले जनाएको छ । वैशाख ६ गतेसम्म चल्ने खेलमा दुई विभागीय टिम सहित १२ टिमले प्रतिस्पर्धा गर्नेछन् ।

प्रतियोगिताका उत्कृष्ट खेलाडीलाई २५ हजार रुपैयाँ तथा हरेक दिनको म्यान अफ् द म्याच घोषित खेलाडीलाई २० हजार रुपैयाँ प्रदान गरिने आयोजक क्लबले जनाएको छ।

प्रतियोगितामा उत्कृष्ट खेल खेल्ने सर्लाही निवासी एक खेलाडीलाई बाग्मती राइजिङ प्लेयर्स अफ द इयर घोषणासहित एक थान मोटरसाइकल प्रदान गरिने समेत क्लबका अध्यक्ष किस्मत मैनालीले जानकारी दिए ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्