प्रहरीलाई ३ लाख ५० हजार घुस दिन खोज्ने चालकसहित ३ पक्राउ

वैशाख २, २०७६ सोमबार १५:२९:१२ | उज्यालो सहकर्मी

काठमाण्डौ - प्रहरीलाई ३ लाख ५० हजार घुस दिन खोज्ने दिल्ली–काठमाण्डौ रुट भएर चल्ने टुरिष्ट बसका चालकसहित ३ जना पक्राउ परेका छन् ।

प्रहरीलाई घुस दिन खोज्ने भारतको दिल्लीबाट काठमाण्डौ चल्ने ना ५ ख ४८४२ नम्बरको टुरिष्ट बसका चालक श्याम विश्वकर्मा, सुर्खेतकी दीपा राना र नुवाकोट ककनीका भरत तामाङलाई पक्राउ गरेर सोमबार सार्वजनिक गरिएको हो ।

झण्डै ५५ लाख ८८ हजार लत्ताकपडा अवैध रुपमा नेपाल भित्र्याउँदै गर्दा उनीहरुलाई प्रहरीले गएको चैत्र ३० गते साँझ काठमाण्डौको चमतीबाट पक्राउ गरिएको महानगरीय प्रहरी परिसर काठमाडौंका प्रमुख प्रहरी वरिष्ठ उपरीक्षक बसन्त लामाले जानकारी दिनु भयो ।

बसमा लुकाएर राखेको अवैध लत्ता कपडा छुटाउन प्रहरीलाई घुस दिन सर्लाहीका चालक विश्वकर्माले ल्याएको ३ लाख रुपैयाँ पनि बरामद गरिएको छ । चालक विश्वकर्मालाई सो काममा सहयोग गर्ने तामाङसँग रहेको ५० हजार नगद पनि बरामद गरिएको परिसर प्रमुख लामाले बताउनु भयो ।

प्रहरीले भारतबाट अवैध लत्ता कपडा नेपाल भित्रँदैछ भन्ने सूचनाको आधारमा टुरिष्ट बसमा खनतलासी गरेको थियो । उनीहरुको साथबाट थप १ लाख नगद पनि बरामद गरिएको प्रहरीले जनाएको छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्