घरेलु कामदारको पुनः श्रम स्वीकृत खुलाउनुपर्छ : राप्रपा महामन्त्री लिङ्देन

 बैशाख २१, २०७६ शनिबार १७:४३:४९ | उज्यालो सहकर्मी

यूएई – राष्ट्रिय प्रजातन्त्र पार्टी नेपालका महामन्त्री राजेन्द्र लिङदेनले खाडी देशमा कार्यरत घरेलु महिला तथा पुरुष कामदारको पुनः श्रम स्वीकृत सरकारले रोक्न नहुने बताउनुभएको छ ।

राम्रो काम र दाम भएका तथा आफूलाई सुरक्षित महसुस गर्नेहरु मात्रै फेरी त्यही देशमा त्यही कामका लागि जाने चाहने भएकाले सरकारले श्रम स्वीकृत खुलाउनुपर्ने बताउनुभएको हो ।    

राप्रपा नेपालको प्रवास संगठन प्रवासी नेपाली एकता समाज युएईको प्रथम अधिवेशनलाई दुबईमा सम्बोधन गर्दै नेता लिङ्देनले नेपाल गएर फेरि फर्किन नपाउने चिन्ताले चाहेर पनि धेरै नेपाली देश फर्किन नपाएका नेपालीलाई आफूले देखेको र भेटेकोले नेपाल फर्किए लगत्तै सरकारसँग पुनः श्रम स्वीकृत खुलाउन माग गर्ने बताउनुभयो । 

यसैबीच प्रवासी नेपाली एकता समाज युएईको प्रथम अधिवेशनले शशि सिलवालको अध्यक्षतामा ३१ सदस्यिय नयाँ कार्यसमिति चयन गरेको छ । समितिको उपाध्यक्षमा मनोज जैसवाल, किशोर केशी, रमेश कुँवर रहेका छन् ।

यस्तै सचिवमा देवराज पौडेल, कोषाध्यक्ष नारायण पोख्रेल, सहकोषाध्यक्ष कमला बस्याल रहेका छन् । समितिको प्रवक्ताको जिम्मेवारी लक्ष्मण श्रेष्ठलाई तोकिएको छ भने समाजको मध्यपूर्व संयोजकको जिम्मेवारी तोयानाथ लम्साललाई दिइएको छ । 

अधिवेशनका लागि महामन्त्री लिङ्देनको नेतृत्व  राप्रपा प्रदेश – ५ का अध्यक्ष प्रदिपकुमार उदय, सहायक महामन्त्री राजाराम बर्ताैला, प्रवास विभाग प्रमुख विजय खड्का यूएई आउनुभएको थियो । 

अन्तिम अपडेट: चैत ३, २०८०

तपाईको प्रतिक्रिया