श्रीमानलाई कतारमा काम नपाउँदा गाह्रो, मलाई गाउँलेका कुराले साह्रो

 वैशाख २९, २०७६ आइतबार १७:४०:४८ | मेरो कथा मेरो भोगाई

संगीता ठाकुर/सुनसरी ।

म पेशाले शिक्षिक हुँ । प्राथमिक तहमा पढाउँछु । कुनै बेला परदेशीकी श्रीमती थिएँ । आज भन्दा तीन वर्षअघि मेरो श्रीमान् रोजगारीका लागि कतार जानुभएको थियो । 

भनेजस्तो काम र कमाइ नभएपछि उहाँ फर्किनुभयो । अहिले गाउँमै कपाल काट्ने काम गर्नुहुन्छ । आज त कमाइ भएन भन्दा पनि दिनको पाँच सय रुपैयाँ त हुन्छ। दुवै जनाको कमाइले घर राम्रोसँग चलेको छ । 

कमाइ मात्र भएर पनि नहुने रहेछ । घर चलाउन जान्नु पर्ने रहेछ । श्रीमान् परदेशमा हुनेले होस् या यहीँ, आम्दानी र खर्चको हिसाब राख्ने अनि बढी भएको खर्च घटाउने मात्र गरेमा पनि बचत गर्न सकिने रहेछ । 

श्रीमान् विदेश जाने बेलामा मलाई केही पनि थाहा थिएन । न कमाउने तरिका थाहा थियो न त बचत गर्ने । एकपटक परेपछि बल्ल थाहा भएको छ । श्रीमानको उता काम राम्रो भएन । यता मलाई पनि उहाँ विदेशमा हुँदा निकै गाह्रो भयो । 

बजार जाँदा पनि यसको त ‘बुढो’ विदेशमा छ । किन बजार धाएकी छ भन्थे मान्छेहरुले । बुढो विदेश हुँदा आफ्नो कामका बाहिर निस्किन पनि नहुने जस्तो थियो । मैले कति धेरै नराम्रो कुराहरु सुन्नुपर्‍यो । 

भनेअनुसारको काम नभएर कतारमा बुढोलाई गाह्रो भएको थियो । मलाई मानिसहरुले अनेक कुरा सुनाएर घरमा बस्न गाह्रो भएको थियो । 

उहाँ आएपछि अहिले त सबै राम्रोसँग चलेको छ । ऋण गरेर विदेश जानुभन्दा त यहीँ गर्न सकिने रहेछ । हाम्रो दुई छोराहरु छन् । उनीहरुलाई पढाएका छौं । दुवै जनाले मिलेर घर पनि चलाएका छौं ।

मलाई त श्रीमान् विदेश जाँदाको त्यो एक वर्ष सम्झन पनि मन लाग्दैन । त्यही भएर म त भन्छु लाख ऋण गरेर हजार कमाउन विदेश जानुभन्दा गाउँठाउँमा बसेर कमाइहुने सयमै रमाउन बेश ।

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Asharam Yadav

    May 12, 2019, 6:03 p.m.

    this is called women empower, she is brave women, her husband is luck to have such brave wife.

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई