सन्दीप आईपीएलको बलिङतर्फ शीर्ष स्थानमा

जेठ ५, २०७५ शनिबार १३:४३:५० | उज्यालो सहकर्मी

काठमाडौं, जेठ ५ – इन्डियन प्रिमियर लिग क्रिकेट (आईपीएल) को जारी संस्करणमा २ खेल मात्रै खेलेका नेपाली लेग स्पिनर सन्दीप लामिछानेले सनसनी मच्चाएका छन् ।

दिल्लीले ११ ओटा खेलमा त सन्दीपलाई बेन्चमै राख्यो । १२ औँ खेलमा रोयल च्यालेन्जर्स बेंग्लोरसँग सन्दीपलाई मौका दियो दिल्लीले । आफ्नो डेब्यू खेलमै सन्दीपले पार्थिव पटेलको विकेट लिए । उनले बेंग्लोरसँगको खेलमा ४ ओभर बलिङ गर्दै २५ रन दिए । पहिलो खेलमै थोरै रन दिएर एक विकेट लिएपछि विश्व प्रख्यात क्रिकेटरदेखि विश्लेषकसम्मले सन्दीपको प्रशंसा गरे ।

अझ शुक्रबार भएको चेन्नईविरुद्धको खेलमा विश्वकै उत्कृष्ट ब्याट्सम्यान सुरेश रैना सन्दीपको बलमै आउट भएपछि उनको चर्चा एकाएक चुलिन पुगेको छ ।

सुरेश रैनाले सन्दीपको पहिलो बल नै फेस गर्न सकेनन् । सन्दीपले गुगली बल फ्ँयाक्दै रैनालाई विजय शंकरबाट क्याच आउट गराउन सफल भए । चेन्नईसँगको खेलमा सन्दीपले ४ ओभरमा २१ रन दिएर एक विकेट लिए । उनले स्टाइलिस प्लेयर्स अफ् द म्याच समेत पाए । हिजोको खेलसँगै सन्दीप आईपीएलमै सबैभन्दा कम रन दिने खेलाडीको सूचीमा शीर्ष स्थानमा उक्लिएका छन् । उनले दुई खेलमा आठ ओभर बलिङ गर्दै ४६ रन दिएर २ विकेट लिएका छन् । उनको बलिङ औसत ५ दशमलब ७५ रहेको छ ।

सबैभन्दा कम रन दिने बलरको सूचीको दोस्रो स्थानमा छन् राजस्थान रोयल्सका इश सोधी । उनले चार खेलमा १५ ओभर बलिङ गर्दै ८९ रन खर्चेका छन् । उनको बलिङ इकोनोमी रेट ५ दशमलब ९३ रहेको छ ।

त्यस्तै सनराजर्स हैदराबादका बलर सन्दीप शर्मा बेस्ट बलिङ इकोनोमीमा तेस्रो स्थानमा छन् । उनले ९ म्याचमा ३५ ओभर बलिङ गर्दै २२१ रन दिएर ९ विकेट लिएका छन् । उनको बलिङ इकानोमी रेट ६ दशमलब ३१ रहेको छ । त्यस्तै राजस्थान रोयल्सका डी आर्की शर्ट चौथो स्थानमा रहेका छन् । उनले दुई खेलमा तीन ओभर बलिङ गर्दै १९ रन दिएर एक विकेट लिएका छन् । उनको बलिङ इकोनोमी रेट ६ दशमलब ३३ रहेको छ ।

त्यस्तै टी–२० क्रिकेटमा उत्कृष्ट बलरका रुपमा रहेका जसप्रीत बुमराह तालिकाको पाँचौ स्थानमा रहेका छन् । उनले १३ खेलमा ५० ओभर बलिङ गर्दै ३४३ रन दिएर १६ विकेट लिएका छन् । उनको बलिङ इकोनोमी रेट ६ दशमलब ८६ रहेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्