पाेखरामा लागुऔषध कारोबारी पक्रन गोली प्रहार

जेठ २९, २०७६ बुधबार १४:४४:४२ | सुमन गुरुङ

कास्की - पोखरामा प्रहरीले गोली प्रहार गरी एक जना लागु औषध कारोबारीलाई पक्राउ गरेको छ ।

लागुऔषध कारोबारको सूचना पाएर पक्राउ गर्न गएको प्रहरीलाई प्रहरीकै हतियार खोसेर आक्रमण गर्न लागेपछि गोली हानेर कारोबारी ३० वर्षीय गोविन्द थापा लाई नियन्त्रणमा लिनु परेको कास्की प्रहरीले जनाएको छ ।

पोखरा महानगरपालिका-१०, उत्तमचोकमा रहेको एउटा रेष्टुरेष्टमा लागुऔषधको कारोबार भइरहेको सूचना पाएपछि प्रहरी निरीक्षक गणेश सुवेदीको नेतृत्वमा प्रहरीको टोली त्यहाँ पुगेको थियो । प्रहरीले हानेको गोली थापाको बायाँ तिघ्रामा लागेको र सामान्य घाइते भएको पनि सुवेदीले जानकारी दिनुभयो ।

घाइते थापाको पश्चिमाञ्चल स्वास्थ्य विज्ञान प्रतिष्ठानमा प्रहरीको निगरानीमा उपचार भइरहेको छ । उपचारपछि थप कारबाही अघि बढाइने प्रहरी निरीक्षक सुवेदीले बताउनुभयो ।

थापाको साथबाट लागुऔषध डाइजाेपाम ५ सय, नुर्फिन ५ सय, फिनारगन ५ सय थान गरि १५ सय थान बरामद भएको पनि उहाँले बताउनुभयो । यस्तै थापाले प्रयोग गर्ने गरेको ग १३ प ८२२८ नम्बरकोे मोटरसाइकल पनि नियन्त्रणमा लिइएको प्रहरीले जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्