कमाउन गएका बाबुआमा दुबैको मृत्यु भएपछि बालबच्चाको विचल्ली

 असार २४, २०७५ आइतबार ५:५२:२६ | रासस
unn.prixa.net

पोखरा - “बाबा आमा जाने बेलामा राम्रोसँग पढ्नु, पकाएर खानु, भाइलाई माया गर्नु भन्नुभएको थियो,” – १२ वर्षीय विवश घर्तीमगरले भने । 

मुस्ताङको लो घेकर दामोदरकुण्ड गाउँपालिका–३ स्याङ्बोचेमा शुक्रबार भएको टिपर दुर्घटनामा परी विवशका बाबुआमा दुबैको ज्यान गएपनि उनका आफन्त र छिमेकीले अझै उनलाई मृत्युको खबर सुनाउन सकेका छैनन् । 

शनिबार उनीहरू बस्ने घरमा पुग्दा विवशका छ वर्षीय भाइ चाउचाउ खाँदै दाईको कुरालाई खण्डन गर्दै थिए, “बाबा आमाले माया गर्ने भन्नुभएको थियो यसले मलाइ पिट्छ, आज पनि पिटेको थियो ।” 

बाबाआमा गुमाएका ती नाबालकलाई कोठामा भेट्ने र देख्ने जो कोहीलाई यतिखेर निकै चिन्तित बनाएको छ । 

१२ वर्षीय विवश र उनका भाई छ वर्षीय विशेषन घर्तीमगरलाई उनका बाबुआमा मौसम घर्तीमगर र जीतमाया घर्तीमगरले पोखराको नयाँबजारस्थित भाडाको कोठामा किराना पसलबाट आवश्यक खाद्यान्न उपलब्ध गराउने व्यवस्था गरी छोडेको लगभग तीन महिनाअघि रोजगारीका सिलसिलामा मुस्ताङ गएका थिए । 

घर्तीमगर दम्पत्ति वैशाखअघि त्यहीँ नजिकैको सेतीनदीस्थित रामघाटमा बालुवा बोकेर जिविकोपार्जन गर्दै आएका थिए । 

वर्षात शुरु भएसँगै सेती नदीमा पानी बढेका कारण रोजगारी खोसिएपछि अर्को रोजगारीको खोजीमा घर्तीमगर दम्पत्ती वैशाखमा बिरूवा कन्ट्रक्सन प्रा।लि।ले जोमसोम–लोमान्थाङ सडक निर्माण मजदुरकारुपमा मुस्ताङ पुगेका थिए । 

कमाएर कोठा भाडा र छोराहरूले खाएको खाद्यान्नको पैसा बुझाउँछौं, छोराहरूलाई सहयोग गरिदिनु होला, तपाइँकै जिम्मामा छोडेर गयौँ भनेको आजै हो जस्तो लाग्दछ, घरभेटी वीरबहादुर गोदारले दुःख व्यक्त गर्नुभयो । 

बाबु र आमा दुवै अभिभावक गुमाएका नावालकको भविष्यकालागि सरकार लगायत सम्बन्धित निकायबाट उचित व्यवस्था गरिनुपर्ने उहाँको जोड थियो । 

नयाँ बजारस्थित मैत्री चिल्डे«ेन एकेडेमीमा कक्षा ७ मा पढ्ने विवश र कक्षा एकमा पढ्ने विशेषन खाना पकाइ खाइवरी दिउँसो स्कुल जाने गरेको नयाँ बजारमा नै बस्दै आएकी रोल्पा थवाङकी वीसमाया पुनले बताउनुभयो । 

“बिचरा साना बच्चा छन्, उनीहरूलाई बाबुआमाको मृत्यु भएको खबर दिन पनि सकेका छैनौं,” उहाँले भन्नुभयो, “बाबुआमाको मृत्युले यिनीहरूको विचल्ली हुनेभयो । 

छिमेकीका अनुसार घरपरिवारलाई सुखी र खुसी बनाउने सोचका साथ मंसीरमा दुबई गएका मौसम बिरामी भएपछि दुई महिनामै स्वदेश फर्की सेतीनदीको रामघाटमा श्रीमतीसँगै बालुवा बोकेर गुजारा टार्दै आएका थिए । 

सेती बढेसँगै बालुवा बोक्ने काम पनि बन्द भएपछि रोजगारको सिलसिलामा मुस्ताङ गएका मौसमलाई गएको तीन महिना नबित्दै नियतीले नराम्रोसँग ठग्यो, दुर्घटनामा श्रीमती सहित उनले ज्यान गुमाउन पुगे । 

नेपाली सेनाको एमआई सेभेन्टिन हेलिकोप्टरमार्फत आज बिहान दुर्घटनास्थल स्याङ्बोचेबाट पोखरा विमानस्थलमा ल्याइएका मौसम दम्पत्तिको शव पोष्टमार्टमका लागि पश्चिमान्चल क्षेत्रीय अस्पतालमा लगिएको प्रहरीले जनाएको छ । 

रोजगारीका लागि विकट जिल्ला रोल्पाबाट आएर दुई छोराको पालन पोषण र शिक्षाका लागि मुस्ताङ पुगेका मौसम दम्पत्तिको बारेमा दुःख व्यक्त स्वाभाविकै भएपनि अभिभावक गुमाएका बालकहरूको भविष्यका लागि सरकार, विभिन्न संघसंस्थाले तत्काल सोच्नु अपरिहार्य भएको उनीहरूको कोठामा पुग्नेहरूको एउटै धारणा रहेको छ ।

अन्तिम अपडेट: मंसिर १२, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • मोहन दर्लामी, रम्भा गा. पा.२ फोक्सिङ्गकोट, रानिबास

    July 8, 2018, 8:56 a.m.

    सर्वप्रथम दुर्घटना मा परि ज्यान गुमाउने अभिभावक प्रती हार्दिक श्रद्धाञ्जली । बाल बालिका भनेका भविस्यका देशका कर्णधार हरु हुन, यी बालबालिका हरुको सम्पुर्ण जिम्मेवारी तथा हेरविचार सरकारले गर्नु पर्दछ।

  •  0 Reply

  • सन्तोष

    July 8, 2018, 6:40 a.m.

    Baba gatani aima chai na jana parni theyo sana babu haru lai tesari xodeyara kam sa kam aima ko sahara ta pauni theya xora haru la bechara yesto kosaila ni na hos

  •  0 Reply

  • Wangchho sherp

    July 8, 2018, 6:26 a.m.

    Uniharuko samparka thegana ra phone number uplabda garaidinus ma sahayog garchhu

  •  0 Reply

तपाईको प्रतिक्रिया

समाचार

लोकप्रिय

१

आईपीएल : १३ वर्षका खेलाडी एक करोड १० लाख भारुमा अनुबन्ध

२

सुनकाे भाउ दुई दिनमा १८ हजार पाँच सय रुपैयाँले घट्यो

३

अस्थायी, ज्यालादारी कर्मचारीलाई पनि सामाजिक सुरक्षा काेषको दायरामा ल्याउने प्रधानमन्त्रीकाे घाेषणा

४

सामाजिक सुरक्षा कोषले विदेशमा रहेका श्रमिकका श्रीमान्–श्रीमती तथा छोराछोरीको उपचार खर्च पनि बेहाेर्ने

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई