घरायसी विवादमा छाेराले गरे बावुकाे हत्या, आमा गम्भीर घाइते

साउन ६, २०७६ सोमबार १२:२०:५७ | सीताराम ओझा

कैलाली - कैलालीकाे घोडाघोडी नगरपालिका-११ सिसैयामा छोराले धारिलो हतियार प्रहार गरी बुवाको हत्या गरेका छन् । घटनामा आमा नन्दे रावत गम्भीर घाइते भएकी छन् ।

५५ वर्षीय छोरा उदे रावतले आइतबार राति ७५ वर्षीय बुवा काल्चे रावतको धारिलो हतियार प्रयोग गरेर हत्या गरेका हुन् । त्यस्तै आमा नन्दे रावत भने गम्भीर घाइते हुनुभएको घोडाघोडी नगरपालिका–११ का वडाध्यक्ष दान सिंह जोगिले जानकारी दिनुभयो ।

गम्भिर घाइते हुनुभएकी नन्दे रावतलाई थप उपचारका लागि नेपालगञ्ज रेफर गरिएको इलाका प्रहरी कार्यालय सुखडका प्रहरी निरीक्षक यक्ष राज जोशीले जानकारी दिनुभयो ।

प्रहरी निरीक्षक जोशीका अनुसार घरायसी विवादका कारण छोराले बुवामाथि धारिलो हतियार प्रहार गरेका हुन् । हत्या गरेर फरार रहेका उदे रावतलाई पक्राउ गरी इलाका प्रहरी कार्यालय सुखडमा राखिएको र घटना बारे थप अनुसन्धान भैरहेको इलाका प्रहरी कार्यालय सुखडले जानकारी दिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्