विप्लव नेतृत्वको नेकपाका जुम्ला सेक्रेटरी बिर्खबहादुर शाही पक्राउ

साउन ६, २०७६ सोमबार १६:२६:२८ | नेत्र शाही

जुम्ला – नेत्रविक्रम चन्द ‘विप्लव’ नेतृत्वको नेकपा जुम्लाका सेक्रेटरी बिर्खबहादुर शाही (प्रभाजित) पक्राउ पर्नु भएको छ ।

हिमा गाँउपालिका–६, निवासी सेक्रेटरी शाहीसहित दुई जनालाई जिल्ला प्रहरी कार्यालय जुम्लाले पक्राउ गरेको हो । पक्राउ पर्नेमा कालिकोटको नरहरि गाउँपालिका–२, निवासी युवा संगठनका कर्णाली ब्यूरो इञ्चार्ज बखतबहादुर बिष्ट पनि रहेको जिल्ला प्रहरी कार्यालयका प्रहरी निरीक्षक नवीन ओलीले जानकारी दिनुभयो ।

दुवै जनालाई सेक्रेटरी शाहीकै घरबाट पक्राउ गरीएको प्रहरी निरीक्षक ओलीले जानकारी दिनुभयो । सेक्रेटरी शाहीको परिवारले भने राति ढोका फुटाएर पक्राउ गरेको गुनासो पाेखेको छ । सेक्रेटरी शाही फोक्सोको बिरामी भएको बताउँदै परिवारले जबरजस्ती गर्नु राम्रो नभएको बताएको छ ।

प्रहरीले भने बाहिर ताल्चा लगाएको र खोल्न नमानेपछि फुटालिएको बताएको छ । शाही र बिष्ट सँग ८ ओटा पुस्तकसहित युवा संघको लेटरप्याड, केही चन्दा रसिद बरामद गरेको प्रहरीले जानकारी दिएको छ ।

यसअघि जुम्लाका इञ्चार्ज चन्द्रवीर तिरूवा (रविकिरण)लाई सिँजा गाउँपालिकाको घोडेङ्गा गाउँबाट प्रहरीले नियन्त्रणमा लिएर छाडेको थियो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्