काम नगर्ने ठेकेदार र कर्मचारीलाई कारबाही गर्न प्रदेश ३ का अर्थमन्त्रीको निर्देशन

साउन ७, २०७६ मंगलबार २०:५७:४३ | दीपक भट्ट

रामेछाप - प्रदेश नं ३ का आर्थिक मामिला तथा योजनामन्त्री कैलाशप्रसाद ढुंगेलले काम नगर्ने ठेकेदार र कर्मचारीलाई कडा कारबाही गर्न प्रमुख जिल्ला अधिकारी लाई निर्देशन दिनुभएकाे छ।

कतिपय विकास निर्माणका कामहरु ठेकेदारकै कारण रोकिएको र कर्मचारीले पनि विभिन्न बहाना बनाएर काममा ढिलाइ गरिरहेको भन्दै समयमा काम नगर्ने कर्मचारी र ठेकेदारलाई तत्काल कारबाही गर्न उहाँले यस्ताे निर्देशन दिनुभएकाे हाे ।

मंगलबार जिल्ला प्रशासन कार्यालय रामेछापले मन्थलीमा आयोजना गरेको सार्वजनिक सुनुवाई एवं सेवा प्रवाहसम्बन्धी राय सल्लाह सुझाव संकलन कार्यक्रममा उहाँले समयमा काम सम्पन्न नगर्ने कर्मचारीलाई तत्काल राजीनामा दिएर जिल्ला छाड्न आग्रह पनि गर्नुभयाे।

कार्यक्रममा मन्थली नगरपालिका प्रमुख रमेशकुमार बस्नेतले डिभिजन सडक कार्यालय खुर्कोट लगायत कतिपय प्रदेश सरकारका कार्यालयले आफनो बजेट र कार्यक्रमका बारेमा मन्थली नगरपालिकालाई कुनै पनि जानकारी नगराएको गुनासाे गर्नुभयाे ।

प्रमुख जिल्ला अधिकारी लिलाकुमारी केसीको अध्यक्षतामा सम्पन्न कार्यक्रममा ३ नम्बर प्रदेका सांसद शान्तिप्रसाद पौडेल, जिल्ला समन्वय समितिका प्रमुख प्रेमबहादुर खड्का, पूर्व सांसद देवशंकर पौडेललगायत जिल्लाको विकास निर्माणबारे आआफ्नो धारणा राख्नुभएकाे थियाे ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्