व्यवस्थालाई सम्मान नगरे पूर्वराजा ज्ञानेन्द्रलाई नागार्जुनबाट हटाउने चेतावनी

साउन १९, २०७६ आइतबार २०:१७:४७ | दीपक भट्ट

रामेछाप - नेकपाका अध्यक्ष पुष्पकमल दाहाल (प्रचण्ड) ले व्यवस्थालाई सम्मान नगरे पूर्वराजा ज्ञानेन्द्रलाई नागार्जुन दरबारबाट निकाल्ने चेतावनी दिनुभएकाे छ ।

आइतबार बीपी राजमार्ग अन्तर्गत सिन्धुली र रामेछाप जोडने खाँडादेवी गाउँपालिका जोड्ने खैरनीघाटकाे सुनकोशी नदीमा बनाइएको पक्की पुलको उद्घाटन गर्ने क्रममा अध्यक्ष प्रचण्डले अहिलेको व्यवस्था भनेको धेरै जनताको त्याग र बलिदानपछि आएकोले यो व्यवस्थालाई पूर्वराजा लगायतले सम्मान गरेर अघि बढ्नुको विकल्प नरहेको बताउनुभयाे ।

‘’कसैले अहिलेकाे व्यवस्था फेर्छु भन्ने सपना नदेख्दा हुन्छ, यदि त्यो कोही कसैले सोचेको छ भने त्यसको हविगत कल्पना गर्नै नसक्ने हुनेछ’,उहाँले भन्नुुभयाे ।

उहाँले अगाडि भन्नुभयाे, ‘केपी शर्मा ओली त्यसै देशको प्रधानमन्त्री हुनुभएको हाेइन, १० वर्ष जेलनेलको सजाय भोगेर आउनु भएको हो । कुनै दलाल र सामन्तवादहरुले केपी ओलीलाई प्रधानमन्त्री बनाएका हैनन्, यसतर्फ सरकारको विरोध गर्नेहरुले एकपल्ट सोच्नु जरुरी छ ।’

एघार वर्षअघि सुरु भएको रामेछाप सिन्धुली जोड्ने मोटरेबल पुल निर्माणा गर्ने जिम्मेवारी लामा–खन्पाचे–कन्काई जेभी पाएकाे थियाे । ११ वर्ष वित्दा पनि उक्त पुलको काम सम्पन्न नगरेर अलपत्र छाडेपछि सरकारले पुलको काम गर्ने जिम्मेवारी लिएका निमार्ण व्यवसायीको फर्म कालोसुचीमा राख्ने सूचना प्रकाशन गरेपछि निमार्ण व्यवसायीले वाध्य भएर उक्त पुलको काम ११ वर्षपछि सम्पन्न गरेका हुन् ।

सुनकोशी नदीमा पुल निमार्ण भएपछि रामेछापको पश्चिमी क्षेत्रमा जाने सवारीसाधनहरु जिल्ला सदरमुकाम मन्थली हुँदै र केही सवारीसाधनहरु सिन्धुपाल्चोकको दोलालघाट हुँदै एकदिनको बाटो जानु पर्ने वाध्यता हटेको छ । सो पुल संचालनमा आएपछि क्षेत्र नं २ अन्तर्गत सुनापति गाउँपालिका ५ वटा वडाहरु र खाँडादेवी गाउँपालिकाका ९ वटा वडाहरुमा सहजरुपले यातायातका साधनहरु संचालनमा सहजता भएको छ ।

पुल सञ्चालनमा आएपछि काठमाण्डौबाट विपी राजमार्ग हुँदै सिन्धुलीको खैरनीघाटबाट रामेछापको खाँडादेवी गाउँपालिकाको केन्द्रमा पुग्न ४ घन्टामात्र लाग्नेछ । झण्डै ३ वर्ष अघि सडक बनेकाे भए पनि पुल नबन्दा गाडी वारपार हुन सकेका थिएनन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्