दुई वडा जाेड्ने तिला नदीकाे पुल भाँचिँदा सम्पर्क विच्छेद

साउन २१, २०७६ मंगलबार १८:४३:२ | नेत्र शाही

जुम्ला - कर्णाली राजमार्गबाट तातोपानी गाउँपालिका-४,पहिलेकाे हाँकु गाविस जोडिएको मुलबाटोको काठेपुल भाँचिँदा वडा नम्बर ४ र ५ बीच सम्पर्क टुटेको छ ।

तिला नदीमा वडा नम्बर ४ बाट कर्णाली राजमार्गतिर आउन जोडिएको पुरानो काठेपुल भाँचिएको र बाटो अवरुद्ध भएको प्रमुख जिल्ला अधिकारी दुर्गा बञ्जाडेले जानकारी दिनुभयो । प्रजिअ बञ्जाडेका अनुसार पहिलेकाे हाँकु गाविस-हाल तातोपानी गाउँपालिका-४ र ५ जोडने मुलबाटोको काठे पुल तिला नदिले बगाएको हाे ।

पुलको भाँचिए पनि कुनै मानवीय क्षति नभएको प्रजिअ बञ्जाडेले जानकारी दिनुभयाे । जिल्ला प्रशासन कार्यालयका अनुसार त्यस क्षेत्रमा सुरक्षाकर्मी खटाइएको र त्यताबाट आवत जावत नगर्न सर्वसाधारणलाई सूचना जारी गरिएको छ ।

याे क्षेत्रमा तातोपानी गाउँपालिकाका पाँचवटा गाउँहरु हाँकु, नियापानी, पत्थेनी, गरीखोला र पाडेबाडा गाउँहरु पर्दछन् । गाउँपालिका र राजमार्गबीच सम्पर्क टुटेपछि समस्या भइरहेको तातोपानी गाउँपालिकाका नायब सुब्बा अंगराज डाँगीले जानकारी दिनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्