फोहरमैला व्यवस्थापन नहुँदा पूर्व-पश्चिम राजमार्ग र वन क्षेत्र दुर्गन्धित

साउन २८, २०७६ मंगलबार १०:२८:२२ | रामबाबु खड्का

सर्लाही - पालिकाहरुले फोहरमैला व्यवस्थापन गर्न नसक्दा पूर्व-पश्चिम राजमार्ग र वन क्षेत्र दुर्गन्धित बन्दै गएको छ।

राजमार्ग छेउछाउका पसल, हाटबजार र होटलबाट निस्केका फोहरलाइ सही तरिकाले व्यवस्थापन गर्न नसक्दा दिनदिनै सडक तथा वन-जंगल दुर्गन्धित बन्दै गएको हाे ।पालिकाले फोहरमैला व्यवस्थापन गर्नुकाे साटो नजिकै रहेको सडक, जंगल तथा खोला किनारमा फाल्दा थप जोखिम बढेको छ।

यसरी जथाभावी फोहर फाल्दा त्यसबाट निस्केको दुर्गन्धले नजिकै रहेका बस्तीका नागरिक पीडित बन्दै आएका छन्।हिउँदको समयमा जथाभावी फालिएको फोहरलाइ वर्षाको बाढीले बगाएर घर खेतमा पुयाएपछि स्थानीय बासिन्दा थप समस्यामा पर्ने गरेका छन् । फोहरलाइ गल्ने र नगल्ने छुट्यार फरक-फरक ठाँउमा व्यस्थापन गर्नुपर्नेमा एकै ठाउँमा जथाभावी फाल्दा त्यसबाट थप जोखिम बढेको हरिवनका स्थानीय रामशरण उप्रेतीको भनाइ छ।

बाराको पथलैयादेखि महाेत्तरीको बर्दिवाससम्म राजमार्ग छेउका सडकमा जथाभावी फोहर फालेकाले यात्रा गर्ने यात्रुले समेत असहजता महसुस गर्न थालेका छन। वन जंगलमा जथाभावी फोहरसँगै मरेका पशुचौपाया फाल्दा जंगली जनावरसमेत थप जोखिममा पर्ने गरेका छन्। घर पालुवा मरेका पशुलाइ जंगलमा फाल्दा जंगली जनावरमा समेत सरूवा रोगको जोखिम हुनसक्ने बरहथवा नगरपालिकाका पशु प्रविधिक अरुण महोतोले जानकारी दिनुभयो।

जिल्लाका २० वटै पालिकामा फोहरमैला व्यवस्थापनका लागि ल्यान्डफिल साइट नहुँदा मरेका पशु, प्लास्टिकका झाेला, फुटेका सिसा, काटेका कपाल, पानीका बोतल जताततै फालिने गरेका छन्। फोहर मैला व्यवस्थापन ऐन २०६८ मा अस्पतालजन्य फोहर एकै ठाउँमा नराखी छुट्टाछुट्टै राख्नुपर्ने उल्लेख गरिएको छ।

तर यहाँका सबै पालिकाले अस्पतालजन्य फोहर र अन्य फोहरलाई एकै ठाउँमा राखेर डम्पिङ गर्दा त्यसको जोखिम झन बढदै गएको जानकारहरु बताउँछन्।वन जंगल, खोला किनारमा जथाभावी फोरह फाल्दासमेत सम्बन्धित डिभिजन वन कार्यालयहरु भने मौन बसेको छन्।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्