इंग्लिस क्लब म्यानचेस्टर सिटीले रियाद महरेजलाई अनुबन्ध गरेको छ ।

२७ वर्षे विङ्गरलाई सिटीले क्लबको कीर्तिमानी रकममा लेस्टर सिटीबाट भित्र्याएको हो । अल्जेरियन खेलाडीलाई ६० मिलियन पाण्डमा क्लबमा आबद्ध गराएको हो ।
अनुबन्ध गएपछि मेहरेजले इंग्लिस फुटबलमा नयाँ परिभाषा ल्याउन सफल म्यानचेस्टर सिटीको खेल्ने शैली आफ्ना लागि सुहाउने प्रतिक्रिया दिए ।

उनले सिटीका प्रशिक्षक पेप ग्यार्डिओलाको पनि प्रशंसा गरे । ‘पेपको आक्रामक रणनीति र खेलाउने शैलीका कारण गत सिजन उत्कृष्ट प्रदर्शन गरेको थियो’, मेहरेजले भने ।

पेपको प्रशिक्षणमा आफ्नो खेल स्तरपनि बढ्ने प्रतिक्रिया मेहरेजको छ । सन् २०१६–१७ को सिजनमा लेस्टर सिटीले अविश्वसनीय रुपमा इंग्लिस प्रिमियर लिगको उपाधि जित्दा महरेजले इंग्ल्याण्डको व्यावसायिक खेलाडीहरुको संस्था पीएफएको वर्षको उत्कृष्ट खेलाडी अवार्डबाट सम्मानित भएका थिए । लेस्टरका लागि उनले १७९ खेलमा ४८ गोल गरेका छन् ।